Foz, 27 de marzo de 2021. O Concello de Foz presenta a programación de primavera Sementando cultura, que inclúe doce actividades para os meses de abril e maio.
A concelleira de Cultura, Inés López Couto, explica que “o Concello de Foz enche os días de primavera de actividades culturais para adultos o nenos. As actividades programadas nestes meses de marzo, abril e maio aglutinan dende música a documentais pasando por representacións teatrais ao máis alto nivel. Queremos seguir apostando pola Cultura. Aínda, se cabe, con máis ímpeto en momentos tan complicados coma os actuais. O sector cultural é un dos máis afectados pola pandemia. E, a pesares de non ter un auditorio, Foz segue apostando polas mellores postas en escena para desfrute dos nosos veciños”.
López Couto engade que “durante esta semana, como xa se anunciou, quíxose celebrar o Día Mundial do Teatro. Entre os veciños hai gran afección teatral, que esperamos que dentro de pouco podan retomar para facernos desfrutar a todos de novo”.
A edil anuncia que “o mes de abril comeza con datas festivas. A Semana Santa contará con música polas rúas o xoves 1, acompañando as compras do Comercio na rúa e o domingo 4 coas xornadas gastronómicas, así como a representación de La granja de los niños o sábado 3 ás 18.30 horas. O teatro é un dos grandes protagonistas desta primavera cultural.
Haberá representacións para público infantil os sábados 10 e o 17 abril ás 18.30 horas. E para público adulto os xoves 20 e o 27 de maio ás 20 horas. En abril tamén se quere celebrar o Día do Libro, para o venres 23 organízase un contacontos para adultos ás 20 horas e o sábado ás 18.30 horas será a quenda dos nenos. Todo dentro dunha semana na que se regalarán libros na biblioteca municipal e haberá máis sorpresas. Queremos que os nenos desfruten da lectura dende pequenos e que os adultos lembren o pracer de ter un bo libro nas mans.”
Inés López engade que “xa no mes de maio, o mes das Letras Galegas, o xoves 6 haberá un documental que nos levará pola poesía contemporánea galega. Contaremos coa presenza de Carlos Lourenzo, Emma Pedreira e Yolanda Castaño para darnos a súa visión. E o venres 14 a fundación Bal y Gay organiza un concerto de piano na Basílica de San Martiño, co que colabora o Concello”.
Seguindo os habituais protocolos antiCOVID, para todas as actividades será necesaria a reserva previa, no teléfono 982.140.027, extensión 3. As actividades contan con aforo limitado.
“Esta programación está feita con moito agarimo, incluíndo actividades diversas; esperamos que as veciñas e veciños a desfruten moito”, finaliza a edil de Cultura.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
