Lugo, 15 de abril de 2021.- Un total de 129 establecementos da provincia de Lugo adheríronse ata o de agora á segunda convocatoria do bono tarxeta turística da Xunta #QuedamosenGalicia, unha iniciativa que busca dotar de liquidez ao sector e fomentar o turismo interno.
Así o explicou hoxe o delegado territorial da Administración autonómica, Javier Arias, durante unha visita ao hotel Pazo de Orban e Sangro, na cidade de Lugo, unha das case 700 empresas de toda Galicia que xa se uniron a esta campaña.
Arias destacou a boa resposta dos negocios do ramo e o enorme éxito que tivo esta segunda edición entre a cidadanía, que esgotou as tarxetas nas primeiras horas tras abrir o prazo de solicitudes onte mesmo.
En canto aos establecementos lucenses que xa se inscribiron, figuran hoteis, paradores, balnearios, cámpings, aloxamentos de turismo rural, vivendas turísticas, apartamentos ou pensións e axencias de viaxes, repartidos por toda a provincia.
Con respecto á súa distribución, 51 son da Mariña; 27 da comarca de Lugo -17 deles da capital lucense- ; 21 da Zona Sur e o resto da comarca de Sarria (11), A Montaña (8), A Ulloa (7) e a Terra Chá (4). Arias lembrou que as firmas interesadas poden seguir solicitando a súa participación ata o remate do programa, a finais de ano.
O delegado territorial precisou que esta nova convocatoria permitirá mobilizar máis de 6,8 millóns de euros co obxectivo de reactivar o consumo interno. Arias apelou unha vez máis á necesidade de unir esforzos en favor da recuperación económica no actual contexto, polo que instou á Deputación de Lugo a sumarse a este programa igual que o están a facer outras entidades provinciais galegas, como as da Coruña e Ourense, que xa confirmaron as súas achegas.
Salientou tamén que a boa resposta recibida pon de manifesto unha vez máis “a forza que está a demostrar o sector turístico da nosa provincia para resistir á pandemia despois dun ano de complicacións”, ademais “das ansias que temos todos de retornar á vella normalidade e de desfrutar do noso tempo de lecer con tranquilidade”.
Segundo lembrou Arias, a segunda convocatoria deste bono está dirixida a todos os cidadáns maiores de idade empadroados nun concello galego e que non foran beneficiados na convocatoria de 2020. A Xunta asume o 60% do custe dos servizos consumidos e os particulares o 40%. Hai tres tipos de bonos: un de 250 euros -150€ abonados pola Xunta e 100€ polos beneficiarios-; outro de 375 euros -225€ abonados pola Xunta e 150€ polos particulares; e o terceiro de 500 euros -300€ pola Xunta e 200 polos particulares-.
Bono de descontos no comercio de proximidade
O delegado destacou que a Xunta adopta diversas medidas para paliar os efectos da crise sanitaria nos sectores máis afectados. Así, lembrou que hoxe abre o prazo para que os establecementos interesados se adhiran ao Bono Activa Comercio, un programa dotado cun orzamento de 10M€ que se repartirán en bonos de desconto de 30 euros dos que se poderán beneficiar ao redor de 330.000 clientes de toda Galicia, co fin de dinamizar as vendas nos establecementos de proximidade. Está previsto que o prazo de solicitude para os consumidores abra a principios de maio.
A artista, referente da música popular galega, conectou cun público diverso que gozou dunha sesión vermú marcada por máis de trinta anos de traxectoria. O concerto serviu tamén como despedida e recoñecemento a Valentín González e Viviana Pérez, que deixan a organización da comisión de festas tras dúas décadas. O deputado de Mocidade, Daniel García, destacou a importancia da implicación veciñal para manter vivas as celebracións que fortalecen a identidade comunitaria e reafirmou o apoio da Deputación ás redes asociativas e á programación cultural en galego. A actuación forma parte da iniciativa provincial para achegar música tradicional e en galego a todos os públicos.
Cómpre sinalar que este produto conta cun distintivo de calidade diferenciada, a Indicación Xeográfica Protexida Faba de Lourenzá, un dos 36 selos recoñecidos en Galicia que amparan a súa excelencia. Neste sentido, a Xunta vén de lanzar a nova marca Aquí Sabemos, coa que se busca reforzar o coñecemento e a identificación por parte dos consumidores dos produtos alimentarios galegos protexidos por figuras de calidade diferenciada.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Estiveron organizadas por Acisa e financiadas pola Área de Medio Rural e Mar da Deputación de Lugo. 25 locais hostaleiros ofreceron tapas e racións en diversas preparacións. Acisa repartiu entre os establecementos 1.100 quilos de mexillóns para esta cita gastronómica. Ata Ribadeo se achegou o deputado Dani García, que estivo xunto á presidenta e o xerente de Acisa, Carmen Cruzado e Jesús Pérez, e os concelleiros ribadenses Martín Graña e Vicente Castro.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
