A Fonsagrada, 7 de abril de 2021. O voceiro do PP da Fonsagrada, José Regueiro, considera que “as tres horas que se estenderon os traballos de excarcelación do condutor que quedou atrapado onte tras sufrir un accidente co seu camión na estrada LU-530 á altura do Padrón demostran a necesidade de contar cun Grupo de Emerxencias Supramunicipal (GES)”.
Regueiro quere trasladar o seu agradecemento ao persoal sanitario, aos veciños da zona, aos traballadores do Concello, aos bombeiros de Sarria e todos os que que colaboraron nas tarefas de liberación coa mellor vontade para axudar ao condutor. Con todo, o popular lamenta “as deficiencias do Concello á hora de atender as emerxencias no noso termo municipal”; xa que “o persoal municipal de emerxencias non conta co material nin cos EPIS axeitados para levar a cabo este tipo de traballos”.
O voceiro do PP local explica que “os Grupos de Emerxencia Supramunicipal están dotados de medios e contan coa formación oportuna para desenvolver con éxito e no menor tempo posible este tipo de labores”. De feito, evitarían ter que esperar a chegada, como pasou nesta ocasión, dos bombeiros de Sarria. O popular recorda que “foron os propios técnicos do GES da Fonsagrada os que levaran a cabo de forma correcta a extricación noutro accidente rexistrado fai anos no mesmo lugar”.
Regueiro explica que “o goberno local despediu ao persoal do GES asegurando que se faría cargo de atender as emerxencias, pero estamos vendo que non se está dando unha resposta adecuada. Non estamos tan ben atendidos como deberiamos”. É máis, Regueiro, pon como exemplo da falta dunha xestión adecuada en materia de emerxencias na Fonsagrada que “o material co que conta o Concello para a extricación non dispoñía de batería no momento no que era preciso o seu uso”.
Acordo plenario
O Grupo Municipal do PP da Fonsagrada reclamara unha vez máis ao goberno local solicitar formalmente un Grupo de Emerxencias Supramunicipal (GES) o pasado mes de febreiro despois de que en setembro de 2019 se acordara no pleno a creación deste Grupo de Emerxencias.
Os populares defenden que o municipio volva a contar con este servizo do que foi privado “por unha decisión unilateral do anterior alcalde, e agora consentida polo actual, deixando desprotexidos aos veciños e veciñas deste concello”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
