Santiago de Compostela, 25 de abril, 2021. O BNG defenderá no vindeiro pleno da Cámara galega unha proposición de lei para demandar do Goberno central as competencias en materia de Tráfico e Seguridade Viaria.
O nacionalista Luís Bará afirma que, o BNG non renuncia ao obxectivo de superar o actual marco político e para iso “precisamos contar coas competencias pendentes”.
Bará explica que Feixóo no ano 2009 na súa chegada ao goberno da Xunta afirmou que comezaba a “maior etapa do autogoberno da historia de Galiza” pero a realidade é un balance de doce anos con competencias “cero, cero patatero”, recalcou.
Para o nacionalista, a falta de competencias fixo perder posicións a Galiza fronte outras comunidades que avanzaron asumindo novas transferencias. Por esta razón, o BNG impulsará, no vindeiro pleno do día 27 de abril na Cámara galega, unha proposición de lei para instar á Xunta a demandar do goberno central as competencias en materia de Tráfico e Seguridade Viaria, “unha demanda xa aprobada no Parlamento galego no ano 2008 e vetada no Congreso cos votos en contra do Partido Socialista e a abstención do Partido popular”.
O deputado reitera que as competencias deben ser traspasadas para xestionar e desenvolver dende Galiza, entre outras, a Lei de Policía aprobada no ano 2017 para contar cunha policía propia como en Cataluña, Euskadi ou Navarra.
O nacionalista asegura que a falta de competencias galegas coloca a Galiza nunha posición desigual a respecto doutras comunidades e condúcea “á irrelevancia política”. Neste sentido, indicou que Euskadi conseguiu o traspaso da Autoestrada AP-68 no ano 2019 e na actualidade o Goberno Vasco está negociando 12 competencias máis, entre elas: Prisións, Seguridade Social, e Transportes por estradas e mentres tanto o goberno da Xunta e Feixóo, reitera permanece na “ parálise política”.
Galiza precisa “máis ferramentas políticas e financeiras” para defender os seus intereses e no contexto de pandemia son máis urxentes para facer fronte aos novos retos derivados da COVID.
Neste momento, afirma Bará, dende o BNG consideramos indispensable que sexan transferidas as competencias de Tráfico e Seguridade Viaria pero tamén avanzar en competencias pendentes como: Salvamento e Seguridade marítima, Xestión da Costa e de dominio público marítimo terrestre, Institutos de Investigación Oceanográfica, Autoestradas do Estado ou Portos de Interese Xeral.
Na sesión plenaria o BNG tamén interpelará á Xunta sobre as negociacións das transferencias pendentes.
No acto participará tamén David Cortizo, en representación de Editorial Galaxia. A actividade está organizada pola libraría África Copias.
O corte afectará ao tramo comprendido entre os puntos quilométricos 19,765 e 22,933. As obras, executadas pola empresa OVISA Pavimentos y Obras S.L.U., contan cun investimento da Deputación de Lugo de preto de 190.000 euros.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. No acto de apertura servirase un viño acompañado dun pequeno aperitivo.
O colectivo denuncia que, tras anos de espera, continúa sen obter unha resposta xusta ás súas reivindicacións e esixe o recoñecemento da súa categoría profesional, unha reclasificación acorde coa súa cualificación e unha retribución inmediata e adecuada ás súas funcións. Os profesionais reclaman tamén axilidade nas solucións, lembrando que levan demasiado tempo entre promesas incumpridas e parálise administrativa.
A iniciativa, impulsada por Pilar García Porto para celebrar o Día da Transrománica, desenvolveuse en cinco xornadas con 16 rutas guiadas e gratuítas que puxeron en valor o patrimonio románico da provincia. A alta demanda en concellos como Taboada, Sober, Antas de Ulla, Viveiro ou Pantón confirma o interese polo turismo cultural e avala o modelo da Deputación, baseado na valorización do patrimonio como motor económico e social. As rutas permitiron descubrir o románico das Terras da Ulloa, da Ribeira Sacra e da capital lucense, consolidándose como unha proposta estable dentro da estratexia turística provincial.
Nesta edición interpretará obras de Haydn e Chopin, ademais de presentar composicións propias nun programa íntimo e especial que xa se converteu nun encontro imprescindible cada ano. Ao rematar, ofrecerase un brinde e aperitivo para todos os asistentes. As entradas están á venda e pódense reservar no teléfono 644 69 42 80.
Celebrarase o venres 29 de maio ás 17:00 h e será gratuíta. Abordará o papel dos poliquetos no ecosistema mariño, as súas características e os riscos do uso de especies exóticas, con proxeccións e maquetas de varias especies empregadas como cebo. Impartiraa o grupo BIOCOST da Universidade da Coruña e está organizada por Posta de Encontro xunto con RedeMar, Xunta de Galicia, Federación Galega de Confrarías e a UDC. Reservas: WhatsApp no 634 97 08 86; 982 13 19 23; buenas@capturaspesca.com ou directamente na tenda Capturas Pesca, onde se celebrará o evento (Av. Leopoldo Calvo Sotelo 49, Ribadeo).
