Santiago de Compostela, 06 de abril de 2021. A portavoz de Pesca do Grupo Socialista, Patricia Otero, lamentou hoxe que o PP se teña descolgado do acordo para realizar a dragaxe do Porto Chico de Foz. Así o dixo logo do debate dunha proposición non de Lei para reclamarlle á Xunta esta intervención necesaria por motivos de viabilidade e tamén seguridade e ata hoxe sempre fora comprometida pero nunca realizada.
A responsable socialista salientou que o PP “quitou por fin a careta” no momento en que a iniciativa socialista, encamiñada a reclamarlles “un pouquiño máis de compromiso”, poñía o ano 2021 como límite para realizar a obra. Lembrou que os dous acordos parlamentarios previos, nos anos 2018 e 2019, nunca se traduciron na realización efectiva da dragaxe.
A responsable socialista lembrou os acordos por parte do goberno galegos e dos parlamentarios do PP, que en 2010, 2013 e 2015 anunciaron a intervención, que comprende a modificación da bocana, a dragaxe e a ampliación de servizos. Sen embargo, a pasividade do goberno galego, que nunca fixo a intervención, e que nunca a incluíron nos Orzamentos da Xunta de Galicia, que é “onde se plasma a realidade dos feitos e onde se fai unha aposta decidida”.
Acusou ao portavoz do PP de “enganar” cando en maio de 2018 presumían de ter apoiado unha iniciativa do PSdeG e sinalando especificamente que Portos de Galicia “xa iniciou os estudos precisos”, o que se contradí coa emenda presentada hoxe, na que instan á Xunta “a que se inicien os estudos conforme á planificación prevista”. Preguntou “de que nos valen as iniciativas aprobadas por unanimidade” cando se basean en mentiras e que ademais incumpren.
A parlamentaria socialista incluíu na proposta de hoxe un límite temporal para esixirlle á Xunta que leve a cabo a dita reestruturación do Porto deportivo de Tupide “neste ano 2021”, e especificaba ademais a reestruturación do porto “coa modificación da súa bocana, dragaxe e ampliación de servizos”.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
