Burela, 30 de abril, 2021. OPP LUGO presentou unha reclamación por vía administrativa ante tres Ministerios da Administración Xeral do Estado por Responsabilidade Patrimonial ante a prohibición á comercialización do marraxo dientuso capturado durante 2020.
As causas principais desta reclamación ante a Administración Xeral do Estado están baseadas en catro cuestiones:
1. A contradición e descoordinación entre os tres Ministerios que son parte da mesma personalidade xurídica (Administración Central) foi continua ao longo de todo o ano.
2. Non existiu desde a Administración ningunha Resolución nin comunicación de peche nin de limitación das capturas, dirixida ao sector pesqueiro.
3. As capturas son completamente legais ao estar a cumprir as directrices pesqueiras xestionadas pola ORP (organización rexional de pesca) ICCAT, que é a responsable na xestión e conservación desta especie no Atlántico para todos os Estados membros (ou partes contratantes).
4. Non ten sentido, aínda que se pretenda usar como argumento a sustentabilidade da especie, o veto ou a prohibición de comercializar o marraxo capturado de forma legal, xa que o único que consegue é un prexuízo ás empresas, cando o marraxo xa está procesado.
A reclamación económica baséase no valor estimado da venda non producida (úsase o prezo medio anual) máis o custo do frío de almacenamento en cámaras. Ademais, queda pendente de valorar o que se considera o lucro cesante e os gastos financeiros provocados.
O importe da reclamación presentada pola OPP Lugo en nome de cinco das súas empresas asociadas está ao redor de 205.000 €. Entre as cantidades retidas atópanse 21.589 kgs capturados con observador científico a bordo, cuestión importante a ter en conta xa que de acordo coa Recomendación 17-08 de ICCAT e os permisos de pesca do MAPA para 2020, “poderán reterse os exemplares desta especie que cheguen mortos ao costado do buque sempre que leve observador a bordo”.
Esta situación económica e de prexuízo para as empresas aínda pode empeorar, e aínda que segundo pasan os meses o produto deixa de ter valor comercial, o que máis preocupa ás empresas é que ademais teñan que facerse cargo da destrución das cantidades almacenadas, o que agravará considerablemente estes custos.
En definitiva, todas estas circunstancias obrigan á frota asociada a solicitar novamente o desbloqueo da comercialización deste marraxo xa capturado, desembarcado e almacenado, concedendo a autorización correspondente.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
