Ribadeo, 20 de maio de 2021. O alcalde, Fernando Suárez, salienta o importante esforzo económico que está a facer o Concello para reforzar o persoal de cara á tempada estival. En total son 40 os empregos que se ofertan, entre os que se atopan guías turísticos, socorristas, técnicos sanitarios e operarios de medio ambiente.
O rexedor ribadense dixo: “quero sinalar o importante esforzo económico que estamos a facer desde o Concello de Ribadeo para prepararnos, un ano máis, para o reforzo de persoal co que enfrontar a tempada estival. Temos postas moitas esperanzas coa reanimación económica que poida supoñer, aínda estando en pandemia e limitadas moitas actividades e movementos, confiamos que, con todas as medidas de seguridade sanitarias e que vaia por diante todo isto, poidamos con todo ter un bo verán en Ribadeo. Para isto debemos estar máis preparados que nunca, de aí que esteamos neste momento facendo o maior reforzo de persoal que nunca fixéramos”.
Suárez Barcia sinalou que “hai agora mesmo dispoñibles máis de 40 postos de traballo para este verán, como guías turísticos, socorristas, técnicos sanitarios e operarios de medio ambiente para a limpeza de baños, de praias e de rúas. Ademais destes postos de traballo para o verán, tamén estamos cos prazos abertos para outros como interinidades para celador de inmobles escolares ou avogada do Centro de Información á Muller. Por outra banda, en poucos días, ofreceranse varias prazas do programa Depuemprega, este programa entre o Concello e a Deputación de Lugo, para prazas de seis meses en dinamización económica, técnico de medio rural, auxiliar electricista e peóns de medio ambiente”.
O alcalde de Ribadeo engadiu que “queremos informar que, como sempre, toda a información de prazos, requisitos, temarios, etc…, está a disposición de todo o mundo no taboleiro de anuncios da páxina web e que aí todo o mundo poida ir ver para mirar se lle interesa e desde logo que presenten a solicitude”.
As prazas ofertadas son 1 chófer de medio ambiente, 1 celador de inmobles escolares, 5 guías/informadores turísticos, 2 peóns de medio ambiente e servizos múltiples, 9 operarios de medio ambiente, 1 avogada/o para o CIM, 18 socorristas, 3 técnicos sanitarios, 1 técnico de dinamización económica, 2 peóns de medio ambiente, 1 técnico de medio rural e 1 auxiliar electricista.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
