Mondoñedo, 20 de maio de 2021. O Concello de Mondoñedo presenta en Fitur un novo instrumento de promoción de Mondoñedo como lugar para vivir, investir e emprender: o Plan de Dinamización Urbanístico, Demográfico, Económico e Social Mondoñedo Rexurbe, en colaboración coa Xunta de Galicia, un plan “moderno, creativo e real”. Precisamente, a tenente de Alcalde, Elena Candia, participou no día de onte nesta feira internacional, onde, aínda que dun xeito diferente, aproveitou a xornada para levar a cabo reunións “estratéxicas”. É o caso do encontro que mantivo coa escritora Espido Freire e a comisaria do Xacobeo, Cecilia Pereira, ou co presidente de Foro ECOFIN e do Clúster Madrid Capital Fintech, Juan Verde, así como con Luis Castillo, presidente da Comisión de Silver Economy do clúster MAD FinTech, quen, a través da súa empresa, impulsa o consumo nos mercados municipais de Madrid coa tarxeta Silver Money.
O Concello destaca a riqueza histórica, cultural e artística; ademais da súa singularidade paisaxística a través dun vídeo de promoción de Mondoñedo como “un lugar ideal para vivir, investir e emprender”. A peza audiovisual recolle distintos atractivos do municipio recoñecido como un dos Pueblos Más Bonitos de España e que conta cun conxunto histórico artístico recoñecido como Ben de Interese Cultural (BIC) no ano 1985, a declaración como Área de Rehabilitación Integral (ARI) no ano 1998, Patrimonio da Humanidade dende o 2015 e Área Rexurbe dende o 2020.
A catedral é un dos elementos patrimoniais máis emblemáticos, pero a cidade de Mondoñedo posúe moitos outros referentes históricos, artísticos e culturais como é a figura de Álvaro Cunqueiro ou a ponte do Pasatempo e o barrio dos Muíños que concentra boa parte da actividade do eido da artesanía do municipio.
Municipio Doing Business
De cara a favorecer o asentamento de empresas, o Concello de Mondoñedo ofrece a colaboración da administración local e facilidades para o asentamento comercial. Ademais, adheriuse á iniciativa Doing Business impulsada desde o IGAPE que permite ofrecer vantaxes fiscais ás empresas que se instalen no seu territorio. Deste xeito, os proxectos empresariais que xeren emprego disporán de rebaixas no Imposto sobre Construcións, Instalacións e Obras (ICIO) e no Imposto de Actividades Económicas (IAE).
Dende o goberno municipal recordan a ampla dispoñibilidade de solo industrial no municipio e continúan a demandar á entidade que xestiona o polígono de Mondoñedo e que depende do Goberno do Estado, Suelo Empresarial del Atlántico (SEA), o abaratamento do solo industrial para facer do polígono mindoniense un espazo competitivo.
Por outra banda, dende o Concello promoven e apoian os sectores do turismo e o agroalimentario mindoniense baseados en prácticas ecolóxicas e sostibles e pon en valor os produtos da horta e o pan de Mondoñedo. Tampouco se esquece do sector forestal, moi importante na comarca, e para o que o municipio constitúe unha “ubicación ideal para o asentamento de empresas do sector”, así como do potencial turístico.
Un municipio para vivir
As liñas de traballo que están a seguir o goberno local son as de dinamizar a economía local e mellorar as condicións de vida dos veciños, tal e como recollía na segunda fase do plan ‘Mondoñedo, Municipio para Investir’ presentado en setembro do ano pasado.
Así de cara ao asentamento da poboación, o goberno local defende tamén que “Mondoñedo é un espazo idóneo para teletraballar ou desenvolver proxectos coworking” e sinalan a dispoñibilidade de conexión 5G a Internet. E, ademais da dotación de distintos servizos sociais e educativos, o Concello fai fincapé na conectividade do municipio a través de distintas vías de comunicación como son a autovía A-8, os aeroportos a unha hora de distancia ou as praias e a costa a 20 minutos. E outra das oportunidades que presenta Mondoñedo é a posibilidade de optar a axudas para a rehabilitación de vivendas.
O vídeo recolle tamén a “variada oferta turística” do municipio vinculada ao patrimonio histórico artístico, pero tamén á natureza. Así, Mondoñedo ofrece distintas posibilidades para o desenvolvemento de turismo activo: visitas á Cova do Rei Cintolo, sendeirismo, rutas BTT e tamén é final de etapa do Camiño Norte de Santiago.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
