Burela, 24 de maio, 2021. A Organización de Produtores Pesqueiros de Lugo presentou nesta mañá no Centro Superior de Hostalería de Galicia un novo proxecto de promoción gastronómica e turística nacido da maridaxe perfecta entre a Pescada do Pincho de Burela e diferentes produtos gastronómicos doutras comunidades autónomas.
Trátase dun novo produto turístico creado a partir da unión da calidade da Pescada do Pincho de Burela coa gastronomía doutras zonas de España, neste caso os viños de Castela e León.
A Conselleira do Mar da Xunta de Galicia, Rosa Quintana, presidiu o acto acompañada pola Directora de Turismo de Galicia, Nava Castro, e representantes da Organización de Produtores Pesqueiros de Lugo, de Armadores de Burela e da consultora Valora, empresa encargada de poñer en marcha o proxecto.
Sergio López, xerente de OPP Lugo, explicou que “non se trata só dunha nova campaña de promoción, senón de abrir un novo camiño, creando un produto mixto entre gastronomía e turismo, xerando alianzas gastronómicas e turísticas coa Pescada de Petisco de Burela como protagonista”.
Burela asume o proxecto de maridar a súa Pescada do Pincho cos viños de Castela-León, apoiándose en catro conceptos base: a orixe (a pescada europea e a frota e lonxa do porto de Burela), a arte de pesca (anzol), o sabor (múltiples posibilidades gastronómicas da pescada) e a saúde (OPP Lugo promociona a súa “fórmula da felicidade” P= S, comer peixe é igual a saúde por sabor elevado a infinito).
Julio Sánchez, director da consultora Valora, explicou que “o proxecto conta con accións en catorce concellos, con dezaoito experiencias turísticas e vinte e nove axentes implicados, desde a orixe en Burela ata o seu destino nas principais cidades e mercados de Castela e León, como Burgos, Valladolid ou León”.
Preséntase un concepto de “Roteiro de Maridaxe Gastronómica e Turística” con experiencias gastroturísticas neste caso entre Galicia e Castela e León, para o que se traballou cos axentes crave en ámbalas comunidades, tanto públicos como privados: institucións (Turismo, Xacobeo, Mar, Rural, Vitartis…) e aloxamentos ou empresas de restauración (Paradores, hoteis, restaurantes, adegas, distribuidores, cociñeiros…).
Nava Castro, Directora de Turismo de Galicia, valorou moi positivamente esta iniciativa, dentro da enorme importancia que a gastronomía ten para o turismo de Galicia. Destacou a pescada de Burela como exemplo de produto de primeira calidade que se debe poñer en valor e dar a coñecer a través de iniciativas como este roteiro, que xunta distintos produtos gastronómicos co turismo.
Igualmente felicitou a OPP Lugo e Absa por esta iniciativa que agrupa a entidades públicas e privadas e convidou á Pescada de Burela a participar na experiencia do pasaporte gastronómico que se está deseñando entre Galicia e Castela e León.
Rosa Quintana, Conselleira do Mar da Xunta de Galicia, felicitou unha vez máis a Burela polo carácter sostible da súa actividade pesqueira e sobre todo como promotores de múltiples iniciativas de promoción do consumo de peixe, en concreto da pescada de pincho, exaltando unha arte de pesca tan selectiva, sostible e respectuosa co medio ambiente como o anzol.
Tamén resaltou os datos de Burela, principal lonxa de Galicia en pescada de pincho e segunda lonxa da comunidade por volume de facturación.
A conselleira incidiu en que a promoción dos produtos do mar tanto en Galicia como no exterior permite dar a coñecer as bondades dos peixes e mariscos galegos, o que favorece que aumente a súa demanda e se impulsen os ingresos para as frotas que os capturan.
O acto terminou cunha degustación do produto protagonista a cargo do recoñecido chef Iñaki Bretal, estrela Michelín e unha das figuras máis destacadas da actual cociña galega. O cociñeiro, con restaurantes en Pontevedra (“O Eirado da Leña”) e Lugo (“Anda”), e que xa colaborara noutros proxectos gastronómicos de OPP Lugo e Absa Burela, elaborou dúas receitas: “Merluza de Burela lima limón” e “Merluza de Burela á galega, crema de cachelos e allada”.
Bretal valorou a importancia da pescada para a gastronomía galega grazas á súa versatilidade e múltiples posibilidades que ofrece, tanto nas preparacións máis tradicionais como noutras presentacións máis innovadoras. Destacou a pescada de pincho como un produto ideal para calquera tipo de evento, sobre todo en banquetes e actos de tipo social.
Esta acción está enmarcada no Plan de Produción e Comercialización de OPP Lugo e cofinanciada pola Xunta de Galicia e Fondo Europeo Marítimo e de Pesca.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
