Barreiros, 5 de maio de 2021. A alcaldesa de Barreiros, Ana Ermida, acompañou -xunto con parte da corporación- ao conselleiro de medio rural na visita realizada ás instalacións dunha empresa do polígono de Barreiros que acolle alumnado en prácticas de FP.
Durante a visita, aproveitou para trasladarlle a necesidade de que o concello de Barreiros conte con un novo tractor co que poder realizar labores de desbroce e traballar así na loita contra os incendios e a limpeza de espazos públicos, solicitándolle axuda da Xunta de Galicia para “un investimento imposible de asumir en solitario polo Concello.”
A alcaldesa detallou que “o tractor que posúe Barreiros ten unha antigüidade de case vinte anos, polo que require de importantes labores de mantemento e arranxos, tanto para a súa preparación para a tempada de desbroce como durante a mesma, que supoñen un gasto e unha ralentización de ditos traballos.”
Por esta razón, Ana Ermida solicitou a axuda da Xunta de Galicia para contar no concello con medios suficientes e de calidade para atender as necesidades da poboación, xa que contar cos camiños e estradas en bo estado de mantemento é fundamental para evitar problemas non só de lumes, senón tamén de choivas torrenciais.
Vehículos motobomba operativos para apagar incendios na Mariña.
Outra das cuestións que Ana Ermida trasladou ao conselleiro foi a necesidade de renovar o parque de motobombas municipais na Mariña, xa que as existentes teñen na súa maioría máis de 30 anos e supoñen que non estean operativas na maior parte da tempada, por sufrir importantes roturas e avarías de gran calado.
A alcaldesa explicoulle ao conselleiro que Barreiros conta na actualidade con unha motobomba cedida polo Concello de Lugo despois de que a municipal, do ano 1989, quedara inutilizada tras unha importante avaría o ano pasado. Neste sentido, pola ubicación e a súa centralidade á hora de acudir a incidencias que poidan darse en calquera punto da comarca, trasladoulle a importancia de que Barreiros conte con un vehículo motobomba novo e operativo en caso de incendios.
A alcaldesa manifestoulle a imposibilidade de que os concellos e, especialmente os pequenos concellos do rural, poidan asumir en solitario estes investimentos; polo que lle solicitou a colaboración da administración galega á hora de dotar de medios ao conxunto da poboación, con independencia de onde vivan.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
A entidade, coa colaboración da Vicepresidencia da Deputación, organizará nas próximas semanas a XIII exposición Tal como eramos (28 de agosto), a proxección do filme Antes de nós (3 de setembro) e a homenaxe polo XXII cabodano de Manuel María (6 de setembro). A área de Cultura provincial reforza así o seu apoio continuado ao Iescha, referente na conservación e difusión da cultura galega e chairega.
No acto, o autor estará acompañado por Xosé Ramón Veiga, profesor de Historia Contemporánea na USC, e por Francisco Villamil, profesor de Ciencia Política na Universidade Carlos III. A Galicia moderna (1880-1939) desmonta a visión tradicional dunha Galicia rural, atrasada e pasiva no cambio de século, e amosa a profunda transformación económica, agraria e social que viviu o país nese período.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
