Viveiro, 5 de maio de 2021. O goberno municipal de Viveiro, presidido pola socialista María Loureiro, leva demostrado sobradamente graves déficits na súa xestión, altamente nocivos para os intereses dos veciños, pero aínda non alcanzara a cota que acaba de alcanzar coa súa incualificable falla de goberno con respecto ao matadoiro municipal. Loureiro recoñeceu na máis recente sesión plenaria que coñeceu “por un carniceiro” que a empresa concesionaria da explotación do matadoiro pechou as instalacións e que non presta o servizo. Diante desta situación, e das numerosas e graves decisións que terá que adoptar o Concello sobre este asunto, o portavoz popular, Óscar Rodríguez, insta á alcaldesa a constituír unha comisión especial, con representación de todos os grupos municipais.
Rodríguez di que a afirmación feita no pleno pola alcaldesa pon claramente de manifesto que houbo un absoluto abandono por parte do Concello no control do funcionamento do matadoiro municipal, como denunciou recentemente o PP. O portavoz popular sinala: “É inaudito que teña que ser un carniceiro, un usuario do servizo, o que informe ao goberno local de que a empresa pechou o matadoiro, que é unha concesión municipal. É inaudito e moi grave, tanto que non é descartable que haxa responsabilidades legais ás que facer fronte tanto por parte da empresa como do propio Concello”.
Rodríguez sinala que, segundo parece, a teor das explicacións dadas pola alcaldesa, a empresa entrou en concurso de acredores e botou o peche cando lle pareceu ben. No máis recente pleno, o goberno local incluíu na orde do día o inicio do expediente para a resolución do contrato da concesión. Engade: “Agora, ademais da resolución do contrato, haberá que tomar decisións moi relevantes. Haberá que decidir como se afronta a inevitable modernización das instalacións, se por conta do Concello e antes da nova concesión, ou se as obras deberá asumilas a nova concesionaria. E non menos relevante: haberá que comprobar a situación económica en relación coa empresa que ata agora tivo a concesión, para ver se estaba ao día nas súas obrigas económicas co Concello”.
Os populares tiñan presentadas varias preguntas sobre o matadoiro ao goberno local para que as respondera na pasada sesión plenaria. Rodríguez di que a alcaldesa desculpou a falta de control sobre o matadoiro botándolle a culpa á pandemia, asegurou que ningún concelleiro se encarga explicitamente deste servizo e escapou de contestar ás outras cuestións.
Rodríguez sinala: “Espero que a alcaldesa atenda a solicitude que fai o PP para a creación dunha comisión especial para aclarar que pasou co matadoiro e que vai pasar no futuro; é preciso tamén aclarar responsabilidades, incluídas as de índole legal, se houbera, porque unha empresa que traballa para a Administración non pode deixar de facelo sen, como mínimo, informar previamente de que o vai facer, nin é admisible que, como neste caso, a Administración afectada, o Concello, coñeza o peche por boca dun usuario do servizo e non por si mesma”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
