Chantada, 21 de maio de 2021. O programa Primavera Xove da Xunta de Galicia celebrou hoxe unha nova xornada nos Espazos Xove de Viveiro, Chantada e Noia. Hoxe, a directora xeral de Xuventude, Participación e Voluntariado, Cristina Pichel, asistiu á feira celebrada en Chantada, onde tivo lugar unha conferencia interactiva musical relacionada co hip-hop e unha charla sobre graffiti.
No centro situado nesta localidade lucense programáronse diferentes actividades, a primeira sobre o contexto histórico que rodea as disciplinas do rap e o hip-hop en Galicia, que rematou cunha demostración práctica das mesmas. Por último, realizouse un obradoiro de graffiti a cargo do soberino Marcos Fernández Cea.
Surf en Viveiro
Ademais das actividades en Chantada, no Espazo Xove do concello mariñán de Viveiro tamén se celebraron diferentes iniciativas, entre as que destacan dúas charlas sobre temáticas moi diferentes. A primeira delas, titulada ‘Por un Viveiro Sostible inspirando cambio social’, xirou en torno á sostibilidade, mentres a segunda centrouse nos pioneiros do surf no Cantábrico. Precisamente sobre este deporte impartiuse, ademais, unha sesión teórica de iniciación.
Cambiando de disciplina, a programación do centro viveirense incluíu un obradoiro de baile moderno, outro de Dj e outro sobre o traballo colaborativo, no que se instaba aos participantes a crear solucións ante problemas xurdidos dentro dun grupo ou a enfrontarse ó proceso de aprendizaxe.
Música con froitas en Noia
Pola súa banda, na localidade coruñesa de Noia a xornada comezou cun faladoiro para dar a coñecer o potencial creativo da xuventude da comarca. A esta actividade seguiulle un obradoiro de graffiti no que se pintou un muro. A programación levada a cabo neste Espazo Xove tamén incluíu unha proposta para crear música con froitas e, por último, un reto dobre de canastra.
Cristina Pichel subliñou durante a súa visita a importancia deste tipo de actividades, enmarcadas no programa Primavera Xove, unha iniciativa novidosa posta en marcha este ano, que ao longo de todos os venres do mes de maio leva celebrando, e celebrará, unha feira de ocio educativo para a mocidade da súa contorna nos diferentes Espazos Xove.
Neste senso, a directora xeral de Xuventude, Participación e Voluntariado puntualizou que estas iniciativas son unha oportunidade única para garantir que a xuventude poida ter un ocio seguro ao tempo que segue desfrutando de foros formativos e espazos de entretemento.
Para máis información sobre a programación da iniciativa Primavera Xove: http://xuventude.xunta.es/primavera-xove
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
