Burela, 8 de maio, 2021. O Pescados Rubén Burela FS regresou á liga sumando tres puntos no igualadísimo derbi fronte a Poio Pescamar FSF (0-1), cun gol de Peque, a tan só 10 segundos da bucina final.
As Guerreiras Laranxas comezaron con posesión e ocasións nunha primeira parte que aos poucos gañou en equilibrio e alternativas, cunha escuadra mariñá na que faltou frescura, que acusou o cansazo da Copa de S.M. A Raíña. Poio, aplicado en defensa e cunha gran dose de concentración, conseguiu mitigar a efectividade en ataque das laranxas, ademais de dispoñer de perigo fronte á boa actuación de Sandra Buzón.
Aínda que sen ocasións claras no regreso, o Pescados Rubén Burela FS conseguiu ir de menos a máis para imprimir a súa superioridade e xerar inmensidade de chegadas con perigo fronte a Silvia, que se erixiu como o gran baluarte local para manter vivo ao Poio e resistir. Os primeiros avisos foron de Cami, a pase de Peque, e Leti, en colaboración con Ale de Paz, sobre o 28 de xogo. A partir de aí o goteo laranxa foi incesante. Cumpríndose a medianía do segundo acto, Ale de Paz dispuxo da mellor burelista para ceder o relevo para Peque e Dany. Foi precisamente este tándem o artífice de gol in extremis que lles outorgou o merecido triunfo ás pupilas de Lucas, cando as de Manu Cossío xa soñaban coa repartición de puntos. Con tan só 10 segundos por diante, o Poio esgotou o último cartucho con xogo de cinco sen opcións.
Ficha técnica
Poio Pescamar FSF: Silvia Aguete, Irene, Luci, Ana Rivera, Dani Sousa, cinco inicial; tamén xogaron Antía, Chiesa, Julia, Clara, Miriam
Pescados Rubén Burela FS: Sandra Buzón, Dany, Peque, Luísa Mayara, Ale de Paz, cinco inicial; tamén xogaron Jane, Cami, Bea Mateos, M. Cortés, Elena Aragón, Lara Balseiro
Goles: 0-1, minuto 40, Peque
Árbitros: Vilas López // Menéndez Nistal. Por Poio amarela para Julia (minuto 12). Por Burela amarela para Leti (minuto 18), Bea Mateos (minuto 20), Jane (minuto 24)
Incidencias: Partido correspondente á xornada 6 (segunda fase) de Primeira División Feminina disputado na Seca de Poio. O conxunto de Manu Cossío recibiu ao Pescados Rubén Burela FS con pasillo polo recente título de campión de Copa de S.M. A Raíña, conquistado o domingo pasado en Las Rozas.
Destacou o labor da asociación xuvenil A Rumboia, que en poucas edicións converteu o evento nun referente cultural da Terra Chá e nun motor para o turismo e a economía local. O cartel inclúe Caamaño & Ameixeiras, Ulex, La Txama, Boyanka Kostova, Bea Fernandes e Lucasiito B2B Somiiux. Haberá tamén actividades para todas as idades —xogos, obradoiros, contacontos e artesanía— no campo da feira de Gontán, con entrada gratuíta.
O Parque María Cristina da Caridá volverá encherse de oficios, sabores, música e tradición os próximos días 4 e 5 de xullo
Son 15 os postos instalados nos que os asistentes poderán atopar complementos de moda e téxtis, marroquinaría, xoiaría, teas, sombreirería, bixutaría, xoguetes ou esmaltes. Esta feira está percorrer diversas localidades e cidades galegas para dar a coñecer o traballo dos artesáns galegos. Polo recinto pasaron o alcalde, Dani Vega, e a concelleira de Comercio e Turismo, Marta Saiz.
Desde o pasado martes desenvolvéronse distintas competicións deportivas, entre elas os tradicionais torneos 3x3 de fútbol e baloncesto e un campionato de xadrez, nos que participaron preto de 300 mozos e mozas. Villares sinalou que esta convocatoria “é xa un clásico na vila e axuda a proxectar a oferta do Espazo Xove, un punto de encontro para a mocidade que ao longo de todo o ano ofrece distintas propostas de lecer, formación e participación adaptadas aos seus intereses”.
O xoves haberá unha gran sardiñada no Campo da Pascua e o venres dedicarase ao Día do Neno con atraccións a prezos populares. A organización corre a cargo da Comisión de Festas de San Xoán de Covas coa colaboración das administracións locais e autonómicas.
O delegado gabou o traballo realizado polo Motoclub A Cadeira para dar continuidade a esta proposta logo do éxito do pasado ano, “deixando claro desde a primeira convocatoria o seu poder de atracción e o importante papel de dinamización económica e social que xogan iniciativas deportivas e lúdicas como esta”. Na programación destacan a subida nocturna hoxe ao monolito da Cadeir a, os simuladores de pilotaxe de moto GP e a exhibición de Stunt3Show mañá, ou unha ruta turística o domingo. Ademais, haberá sesións vermú, música en directo, sorteos de premios, acampada gratuíta -cuberta e exterior- e food trucks, entre outras actividades.
A edición deste ano incorpora un novo formato organizativo: as sesións vermú ampliaranse a tres horas na Praza da Constitución e todas as verbenas trasladaranse ao Campo da Feira para mellorar a loxística e facilitar a montaxe dos espectáculos, especialmente nun ano con formacións de gran formato. O programa musical combina orquestras, grupos e DJs para públicos de todas as idades, con citas destacadas como Panorama City, Paris de Noia, Los Satélites, Costa Dorada ou a xira campestre con diferentes propostas ao longo de varios días. Desde o Concello subliñan que as festas son un espazo de encontro para a veciñanza e para quen regresa a Vilalba nestas datas, e que o obxectivo é ofrecer unha programación equilibrada e pensada para que cada persoa atope o seu lugar nunhas patronais que forman parte esencial da identidade da vila.
