A conselleira do Mar, Rosa Quintana, acompañada pola directora xeral de Pesca, Acuicultura e Innovación Tecnolóxica, Mercedes Rodríguez, participa no acto de presentación da campaña de promoción da pescada e do bonito de Burela nos paradores do Camiño de Santiago, unha acción impulsada pola Organización de Produtores Pesqueiros (OPP) de Lugo.
Santiago de Compostela, 30 de xuño de 2021. A Conselleira do Mar, Rosa Quintana, destacou hoxe o papel dos sectores da restauración e do turismo gastronómico na promoción dos produtos do mar de Galicia co obxectivo de “valorizalos e darlles o recoñecemento que merecen”. Nesta liña puxo como exemplo a iniciativa Orixe e Destino Galicia, da Organización de Produtores Pesqueiros de Lugo en colaboración con Paradores de Turismo de España. Esta campaña ten como finalidade difundir a pescada do pincho e o bonito capturados pola frota de Burela en dez paradores localizados en sete camiños de Santiago diferentes e tamén promocionar o Xacobeo 21-22.
Así o sinalou a titular de Mar durante a presentación da terceira edición desta iniciativa, unha acción que se enmarca no plan de produción e comercialización da OPP de Lugo e que conta co cofinanciamento da Consellería do Mar e do Fondo Europeo Marítimo e de Pesca. Rosa Quintana referiuse a esta campaña como “unha das fortalezas da OPP” que pon en valor o labor da cadea mar-industria. Un traballo, subliñou a conselleira, esencial en tempos de pandemia, pois permitiu que os produtos do mar chegasen á cidadanía.
Con Orixe e Destino Galicia a comunidade galega difunde dous produtos do mar de primeira calidade capturados de xeito sustentable e coa selectividade que caracteriza á frota artesanal. Faino, engadiu a titular de Mar, con dúas rutas xacobeas. Por unha banda, a do bonito, que comeza este venres 2 de xullo no parador de Santiago de Compostela e que pasará por Lleida, Santo Domingo de la Calzada (La Rioja) e León. Por outra banda, a ruta da pescada do pincho comezará o 30 de xullo en Cuenca e continuará por Alcalá de Henares, Toledo, Ávila, Zamora e Muxía.
Por último, a conselleira do Mar agradeceu o labor da OPP de Lugo e de Armadores de Burela (ABSA) por difundir a pescada e o bonito de Burela, dous produtos con identidade propia e que caracterizan a Galicia. Tamén tivo palabras de recoñecemento para os paradores nacionais “por apostar pola cociña de proximidade e de primeira calidade”.
Xunto a este grupo de alumnos e profesores estiveron o alcalde, Dani Vega, e a concelleira de Seguridade, Montse Seijo.
A edición incorpora como novidade a primeira inmersión da imaxe da Virxe no porto, prevista para o 11 de xullo. O Día do Carmen, o 16, manterá os actos máis emblemáticos, como a Misa Solemne, a Procesión Mariñeira e a descarga pirotécnica. O programa inclúe verbenas, concertos, actividades infantís, o Día do Bollo e o desfile de Cabezudos. O Concello e SofiTapia animan á participación nunhas festas que volverán converter a vila nun punto de encontro. Os actos no Auditorio Municipal serán de entrada libre ata completar aforo.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
