Lugo, 29 de xuño de 2021. O Grupo Provincial do Partido Popular lamenta que o PSOE empregase a defensa do patrimonio cultural de Lugo “como loita partidista e non como elemento de cooperación”. Así o trasladou o deputado Agustín Baamonde, ante a moción presentada polo Grupo do PSOE, pois os socialistas eludiron, primero, aceptar a emenda dos populares para que a Deputación arranxe inmobles da súa titularidade como a Casona do Incio e, segundo, que nos seus argumentos non se incluíse ningunha actuación nesta materia levada a cabo polo organismo provincial, xa que son varias as instalacións da súa titularidade que acusan un notable deterioro como a referida.
“O mellor sería que, en lugar de facer un discurso parcial e partidista, o fixesen en clave de participación e de colaboración, acompañando as palabras con feitos”, precisou Baamonde quen afeou aos deputados do PSOE a súa versión de “tapar a súa inaptitude e inactividade”.
“Quedoulles mala conciencia”
O popular fixo esta aseveración, lembrando que, en febreiro, o PP presentou unha iniciativa pedindo, precisamente, á Deputación a implicación da defensa do patrimonio cultural provincial. Naquel momento, dixo, “escandalizáronse e rexeitárona en base á descualificación, acudindo á demagoxia e ao populismo e sen dar un só argumento e nin un só dato sobre o que están vostedes a facer. Creo que lles quedou mala conciencia e, por iso, desvían agora a súa actuación acusando á Xunta de Galicia”, remarcou.
A versión do PSOE, desmontada
Agustín Baamonde desmontou a versión dos deputados do PSOE, pois foi o Goberno galego o que creou o marco legal axeitado cunha Lei de Patrimonio Cultural “–que non votaron a favor pero si recoñeceron que supoñía un avance”-, e ten investidos 17 millóns de euros para a posta en marcha de proxectos como os Plans da Ribeira Sacra e das Catedrais, a mellora da Catedral de Lugo, o Camiño de Santiago e, no caso concreto de Caldaloba, está a executar os estudos de reconstrución.
“Isto déixaos en mal lugar”, afirmou o popular engadindo que, cando goberna o PSOE, “o Patrimonio devólveno sempre en mal estado”. Así se pode observar na Casa da Botica, situada en Guitiriz. “Cando lle poñen a man, os edificios cáenlles enriba. Se falamos da Casona, os veciños que viñeron aquí para pedir a súa axuda, botáronnos deste lugar”. É, por este motivo, “polo que creo que lles quedou mala conciencia”.
“Contradicións e falta de credibilidade”
Baamonde considera que o deputados do PSOE “non distinguen as verdades das mentiras”. Neste senso, cuestionou o papel da voceira Pilar García Porto, xa que “ser portavoz da nada é moi difícil, como tamén o é defender a inactividade dun organismo que non fai nada”. Iso é o que provoca, engadiu o popular, “entrar en contradicións” e, en consecuencia, “na falta de credibilidade”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
