Santiago de Compostela, 8 de xull, 2021. O Consello da Xunta analizou hoxe dous informes sobre a resolución de sendas convocatorias de axudas no eido da acuicultura coas que o Executivo galego destina preto de 5,6 millóns de euros tanto a investimentos produtivos no sector -principalmente de empresas de produción de mexillón- como a investigacións coas que impulsar melloras tecnolóxicas, a innovación e a competitividade no eido dos cultivos mariños na comunidade.
O primeiro informe avalía a resolución da convocatoria de axudas de 2021 para mellorar a produción, a eficiencia enerxética e o labor das empresas acuícolas na que se aprobaron 92 solicitudes por un importe total de algo máis de 4,7 millóns de euros. Estes apoios, que están cofinanciados polo Fondo Europeo Marítimo e de Pesca (FEMP), cobren ata o 50% do investimento a realizar, polo que ao abeiro destas iniciativas está previsto mobilizar máis de 11 millóns de euros contando os fondos aportados polas empresas solicitantes.
Os potenciais beneficiarios destas achegas son bateeiros, confrarías de pescadores e acuicultores que promovan unha actividade sustentable, titulares establecementos de acuicultura situados nas zonas terrestre, marítimo-terrestre ou marítima que teñan as súas instalacións na comunidade. A maioría das solicitudes aprobadas pertencen a empresas dedicadas á produción de mexillón, un total de 74 das 92 aceptadas no marco desta convocatoria, máis do 80% do total. En canto ao orzamento destinado a estas axudas, tamén preto do 70% é para o sector bateeiro, con máis de 3,2 millóns de euros dos 4,7 millóns de euros concedidos.
O obxectivo desta orde de axudas é fomentar unha acuicultura sustentable desde unha perspectiva medioambiental, socialmente responsable, baseada no coñecemento e competitiva. A través delas, a Consellería do Mar subvenciona actuacións para investimentos produtivos na acuicultura, para diversificar a produción e para modernizar as instalacións neste sector incluíndo a adquisición de equipos. Ao abeiro destas axudas tamén se financian, entre outros, investimentos na mellora da calidade do produto ou para incrementar o seu valor.
Axudas á investigación
O segundo informe dá conta da resolución da convocatoria de achegas para o fomento do desenvolvemento tecnolóxico, a innovación e a competitividade no sector da acuicultura, no marco da que se aprobaron seis proxectos -todos os presentados- para investigar en distintos eidos en materia de cultivos mariños cun apoio público de preto de 900.000 euros. As seis accións están subvencionadas ao 100% e os traballos desenvolveranse entre 2021 e 2022.
O primeiro deses proxectos está impulsado pola empresa Proameixa Fernández SL que, co apoio do Clúster da Acuicultura de Galicia, tratará de establecer un procedemento para a produción de larvas de ameixa rubia e xaponesa en laboratorio para trasladalas a bateas para proceder ao seu engorde. Mentres, a patronal conserveira Anfaco-Cecopesca promove dúas iniciativas, unha co obxectivo de desenvolver metodoloxías e técnicas de cultivo de semente de mexillón (mexilla) de xeito controlado en criadeiros e outra para desenvolver metodoloxías e técnicas de cultivo de dúas variedades de algas vermellas de importancia comercial en Galicia.
Os tres últimos proxectos corresponden ao Clúster da Acuicultura de Galicia, centrados na consecución de obxectivos como o desenvolvemento dun índice sanitario para determinar o estado infeccioso no cultivo de rodaballo ante a incidencia de dous patóxenos así como establecer un posible protocolo de actuación. Outro deles aspira a reformular as vacinas orais fronte a determinadas enfermidades para que manteñan a súa integridade e efectividade no seu paso polo sistema dixestivo dos peixes (centrándose no rodaballo e na robaliza) e o último avaliará o impacto de certos elementos presentes no medio na supervivencia e crecemento da ameixa xaponesa.
Esta segunda liña de achegas está dirixida ás empresas acuícolas ou organizacións destas situadas nas zonas terrestre, marítimo-terrestre ou marítima que teñan as súas instalacións en Galicia, entre elas as relacionadas co sector do mexillón, e que fomenten unha actividade sustentable a través de proxectos de innovación desenvolvidos en colaboración con organismos científicos ou técnicos recoñecidos polo Estado ou pola comunidade autónoma de Galicia.
Con estes apoios o Executivo galego pretende apoiar proxectos que desenvolvan coñecementos técnicos, científicos ou organizativos nas explotacións acuícolas, que reduzan o impacto no medio ambiente e que impulsen un uso sustentable dos recursos na acuicultura, melloren o benestar das especies ou faciliten novos métodos de produción sustentable, entre outros aspectos. Tamén busca impulsar as iniciativas que promovan a introdución no mercado de novas especies, produtos e procesos ou sistemas de xestión e organización novos ou perfeccionados e o estudo da viabilidade técnica ou económica de produtos ou procesos innovadores.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
