Lugo, 27 de setembro de 2021. Os vindeiros 9 e 10 de outubro desenvolverase na Pastoriza a décima edición do Volante Deputación, que conta un ano máis co apoio da Vicepresidencia. O deputado de Deportes, Efrén Castro, a tenente de alcalde da Pastoriza, Elva Carrera, presentaron a proba esta mañá no Pazo de San Marcos, acompañados por Antonio Solórzano, de PTC Escuela, que se encargará da organización da proba, que ofrece a pilotos noveis a oportunidade de entrar en contacto coa competición automobilística.
O evento terá dúas partes claramente diferenciadas. Unha formativa, na que as persoas participantes recibirán un curso de condución para nivelar e equilibrar os coñecementos , e outra competitiva, na que se medirán divididos en grupos nunha proba cronometrada. A vencedora ou vencedor do Volante Deputación terá como premio a participación no Rally San Froilán, de forma gratuíta cun coche de competición, e un curso con formación específica para a carreira.
O deputado de Deportes, Efrén Castro, sinalou o apoio da Vicepresidencia da Deputación á proba, “un dos eventos máis recoñecidos e agardado por pilotos e afeccionadas e afeccionados ao automobilismo que encontran nel unha opotunidade para introducirse no ámbito competitivo”.
Antonio Solórzano indicou que, ao igual que na edición pasada, “o formato do evento adaptarase á situación sanitaria e as probas de cronomotraxe desenvolveranse en 10 quendas, asegurando a participación en grupos moi reducidos” e augurou “un novo éxito da convocatoria xa que, despois de 9 anos sempre se esgotaron as prazas e nesta edición xa vai a bon ritmo cunha porcentaxe de inscritos do 25% desde o venres”.
A tenente de alcalde da Pastoriza, Elva Carrera, destacou o interese que ten para o Concello acoller o evento polo dinamismo económico e social que xenera, aprovetando unha instalación municipal cunhas condicións adecuadas para este tipo de probas e único na provincia”.
Inscricións e requisitos para a participación
O Volante Deputación contará nesta edición con 160 prazas dispoñibles. As inscricións para solicitar a participación estarán abertas ata o 6 de outubro, a través do enderezo electrónico piloto@ptcescuela.com. A admisión farase por estrita orde de recepción do correo, que debe incluír o formulario de solicitude dispoñible na web ptcescuela.es cuberto e asinado, ademais de copia do DNI e certificado de empadronamento.
Algúns dos requisitos a cumprir para poder participar son a obrigatoriedade de estar empadroados nalgún dos concellos da provincia de Lugo, ter entre 18 e 32 anos, non ter quedado como piloto entre os 5 primeiros postos de calquera trofeo, copa ou campionato de ámbito nacional ou rexional, ou non ter gañado ningunha edición anterior deste premio.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
