Burela, 18 de setembro, 2021. O Pescados Rubén Burela FS arrincou a nova singradura de 2021-22 co obxectivo cumprido, un bo resultado e portería a 0, 4-0 sobre o Torreblanca Melilla. “O importante eran os tres puntos. Foi un partido lento, por momentos contaxiámonos do pouco ritmo que quería imprimir o rival. En defensa traballamos cada vez mellor pero temos que seguir facendo fincapé sobre o ataque e na rapidez en circulación de balón; imos avanzando pero aínda temos moito por diante” reflexionaba así Lucas tras a cita fronte a un conxunto que estreou a liga en Vista Alegre deixando pegada do gran cambio que sufriu nas súas filas.
As mariñás foron claras dominadoras ante un Melilla desbordado, que por fases puxo perigo sobre a rede local. Unha das máis incisivas na cita, Ale de Paz, foi a encargada de abrir o electrónico no 4 de xogo, cun golazo para enmarcar; a de Neda cazouna ao voo e practicamente sen ángulo conseguiu perforar a rede. Tras o perigo por partida dobre de Jhennif sobre a rede de Sandra Buzón, a 17 burelista rozou o segundo nun pase de Emilly. Ata noutras dúas ocasións puxo en apertos a portería do Torreblanca Ale, servindo o segundo xusto no ecuador da primeira parte con Cami e Elena Aragón, nunha acción na que a meta melillense tivo que retirarse. Sara Sores poucos minutos despois regresou para ser o verdugo de Peque en varias ocasións; Leti, fronte ao pau, tampouco puido subir o terceiro.
Co desexo melillense de acurtar distancias, resistiuse tamén a finalización das Guerreiras Laranxas ata o minuto 35, a falta de cinco e medio para a bucina final e cun clásico xiro de Dany. Apostaron entón as de Maca por porteira xogadora. No 37, coa segunda amarela para Guti, o Melilla tivo que pelexar en inferioridade e Emilly aproveitou para selar o cuarto cun potente mísil.
Agora toca descansar para comezar unha semana atípica cunha nova concentración de Peque, Ale de Paz e Dany, ademais da incorporación de Elenita, con España (Las Rozas, 20-23 de setembro).
Ficha técnica
Pescados Rubén Burela FS: Sandra Buzón, Dany, Peque, Ale de Paz, M. Cortés, cinco inicial; tamén xogaron Elenita, Bea Mateos, Emilly, Elena Aragón, Cami, Lara Balseiro, Jozi Oliveira
MSC Torreblanca FS: Sara Sores, Jhennif, Nerea Miralles, Julia, Bia, cinco inicial; tamén xogaron Juliana, Nona, Guti, Indira, Patri
Goles: 1-0, minuto 4, Ale de Paz; 2-0, minuto 10, Elena Aragón; 3-0, minuto 35, Dany; 4-0, minuto 38, Emilly
Árbitros: Carreira Romero // Ferrero Carballal. Por Burela amarela para Bea Mateos (minuto 19). Por Melilla amarela para Jhennif (24), Sara Soares (24), Guti (minuto 27 e 37)
Incidencias: Partido correspondente á xornada 1 de Primeira RFEF Feminina disputado en Vista Alegre. As Guerreiras Laranxas saltaron ao parqué da Bomboneira ofrecendo o trofeo de liga á afección.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
