Foz, 28 de setembro, 2021. O BNG de Foz aposta de maneira decidida polas enerxías renovables, pero entende o vento como un ben público cuxo aproveitamento na produción de electricidade debe repercutir no conxunto da cidadanía, e especificamente nos territorios onde se xera, ademais de defender a participación pública na planificación e no desenvolvemento do sector enerxético en xeral, e do eólico en particular. Galiza é excedentaria no mix de renovables e, polo tanto, non semella que sexa o momento de impulsar unha carreira descontrolada de implantación de novos parques eólicos, senón máis ben desenvolver a potencia eólica dun xeito racional, sostible e ordenado. Nos proxectos eólicos planificados para a comarca, prevalecen os intereses dos grandes grupos económicos vinculados co sector enerxético. Estes proxectos non teñen en conta as necesidades enerxéticas da Galiza nin tampouco outras cuestións, como o interese das comunidades locais, a protección do territorio e a compatibilidade coas actividades socioeconómicas.
O BNG de Foz acredita que o proxecto Borrasca deseñado por Greenalia, é un proxecto cun impacto ambiental descomunal como son os aeroxeradores de 180 m. Pero as “autopistas” de acceso e as torres de evacuación impactarán tamén sobre as 3 Áreas da Rede Natura do noso Concello, sobre nove espazos no noso concello considerados hábitats de interese comunitario prioritario po la Unión Europea, e tres Bens de Interese Cultural (dous deles que quedarían no medio do parque). Mais aló este parque podería estar intentando obviar unha avaliación mais rigurosa, a dun impacto ambiental xigantesco po la súa vinculación directa cos parques Ventisca e Boura. Por riba o proxecto non se axusta ao denominado Plan sectorial eólico de Galicia, instrumento obsoleto pero vixente ao ficar no seu conxunto fora das chamadas Areas de Desenvolvemento Eólico. É preciso que a planificación eólica da Xunta e máis aló a conxunta co Estado, esté fundamentada en criterios de proporcionalidade, racionalidade e equilibrio xunto con garantías de protección do patrimonio natural, cultural e paisaxístico respectando o desenvolvemento e mantemento de actividades de aproveitamento agrícola e forestal.
É por este motivo, que propoñemos o rexeitamento ao PE Borrasca, polo grave impacto no Concello de Foz nos seus espazos naturais, patrimoniais, e paisaxísticos sobre a Mariña, por incumplir a normativa da Xunta de Galiza e por ser evidente a fragmentación artificial de parques nas avaliacións ambientáis dos denominados Borrasca, Ventisa e Boura en tramitación.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
