Lugo, 14 de setembro de 2021. A provincia de Lugo ten infraestruturas ferroviarias moi deficientes e un reducidísimo número de servizos. Os senadores populares por Lugo presentan, unha vez máis, varias iniciativas para que o Goberno, presidido por Pedro Sánchez, explique cal é a situación ferroviaria na provincia de Lugo e para saber se ten previsto incrementar o número de prazas en trens de media distancia.
Os senadores José Manuel Barreiro, Rosa Arza e Manuel Lourenzo Varela sinalan que a operadora ferroviaria pública Renfe incrementou en preto de 3.000 prazas nos seus trens de media distancia en Galicia con motivo do inicio do curso académico 2021/22. Están operativas dende setembro ata xuño, para realizar os percorridos entre A Coruña e Vigo en ambos os sentidos. Destacan que, de novo, se marxina a Lugo, porque esta ampliación de prazas volve deixar fóra á provincia, sen ter en conta que a capital lucense conta cun campus da Universidade de Santiago de Compostela no que se imparten numerosos graos, como o grao en Veterinaria, cuxa facultade no campus de Lugo é unha das máis prestixiosas e acreditadas non só en Galicia, senón tamén en España e mesmo a nivel europeo.
Os senadores lucenses resaltan que o campus de Lugo é o único en Galicia no que os alumnos poden cursar o máster en Innovación en Nutrición, o de Xenómica e Xenética, ou o de Enxeñería Agronómica ou en Enxeñería de Montes, entre outros estudos que só poden realizarse na capital lucense. En consecuencia, Barreiro, Arza e Varela afirman que “non se entende esta discriminación por parte de Renfe á provincia de Lugo, que pode ocasionar que multitude de alumnos sufran dificultades ao cursar os seus estudos no campus lucense ao non poder trasladarse por vía ferroviaria”.
De igual modo, afirman que os universitarios lucenses que estudan noutras provincias galegas son tamén parte prexudicada, ao non poder trasladarse á Coruña ou a Vigo coa frecuencia necesaria. Por iso, queren saber se a operadora ferroviaria Renfe ten pensado incrementar as súas prazas nos trens de media distancia que conectan Lugo co resto de cidades galegas.
Por outro lado, os senadores solicitaron a comparecencia na comisión de Transporte, Movilidad y Agenda Urbana da ministra, Raquel Sánchez Jiménez, e da presidenta de ADIF, María Luisa Domínguez González
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
