Santiago de Compostela, a 5 de outubro de 2021. Na reunión que tivo lugar este martes, a CIG reclamoulle a Vestas que retire de inmediato o ERE de cara a facilitar o traballo da mesa industrial e a busca de solucións “sen a contra atrás que implica estarmos de cheo no período de consultas”. Ao tempo, a central instou a Xunta de Galiza a pór en marcha todas cantas medidas sexan necesarias para evitar que a multinacional danesa aplique o despedimento colectivo e peche a fábrica de Viveiro.
O secretario xeral da CIG, Paulo Carril, que participou na xuntanza celebrada en Santiago, valorou como fundamental a paralización do ERE, “pois do contrario dificilmente se poderá crear un clima de boa fe e crer na vontade que expresa Vestas de acadar solucións e de establecer un diálogo amigábel, mais cando existe unha vontade manifesta das administracións públicas neste sentido e toda a sociedade da Mariña reclama a continuidade dos postos de traballo”.
Carril salientou que o feito da empresa non querer seguir coa actividade non pode supor o peche da factoría “e hipotecar calquera futuro produtivo”. Por iso, apelou á responsabilidade do Goberno galego para frear esta nova desfeita na comarca da Mariña, atendendo as competencias en materia industrial e de emprego das que dispón.
No mesmo sentido, considerou intolerábel que en pleno proceso de transición enerxética, “de absoluto frenesí de electrificación da economía” ao abeiro do que Galiza vive unha ofensiva enerxética colonizadora coa implantación de macro parques eólicos, se destrúa impunemente o tecido produtivo e os empregos na actividade relacionada con este sector.
“Neste proceso de implantación das renovábeis, que se está facendo cun gran impacto social, ambiental e económico, Galiza ten que poder tirar proveito desta actividade e debemos ter un papel relevante na fabricación de todos os compoñentes”, afirmou Carril.
Denunciou que a falta de políticas e de intervención pública nos distintos sectores da economía permítelle a Vestas acometer un despedimento colectivo como este e, ao tempo, seguir levando o mantemento de parques eólicos en Galiza e ser socio tecnolóxico das operadoras enerxéticas.
Isto ocorre, alertou Carril, porque non se obriga ás empresas a que a instalación masiva de eólicos leve ligados proxectos industriais para a súa implantación, mais tamén porque continúa plenamente vixente a reforma laboral que deixa nas mans das empresas todo o poder de decisión sobre os despedimentos colectivos. “Estamos ante un novo exemplo da necesidade urxente de derrogar á integra as reformas laborais de 2012 e a de 2010”, reclamou.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
