Madrid, 13 de novembro de 2021. O Bloque Nacionalista Galego rexistra emenda aos Orzamentos do Estado de 2022 para asegurar que se materialice a intervención pública de Alcoa, en San Cibrao, e dar así solución a grave crise industrial, social e económica que atravesa a Mariña e o conxunto do País. Rego adianta que a solución só pode vir da man dunha actuación política decidida do Goberno para que a SEPI merque a fábrica, aínda que sexa de maneira temporal, asegurando os postos de traballo e a continuación da actividade futura da planta.
O Congreso aprobou unha iniciativa presentada polo BNG en que instaba o Goberno do Estado a iniciar, de fracasar as negociacións para a venta de Alcoa, a intervención pública co obxectivo de salvagardar os postos de traballo e asegurar o futuro do proxecto empresarial. Os meses transcorridos de negociacións infrutuosas e as distintas sentencias xudiciais que consideran probada a mala fe da empresa, poñen de manifesto que a intervención pública é a única opción. Debido precisamente a esta falta de avances, os traballadores e traballadoras de Alcoa San Cibrao manteñen una folga indefinida desde o 27 de setembro.
Para a formación nacionalista, o momento de levar a cabo esta actuación é agora. Por iso, rexistra unha emenda aos Orzamentos do Estado para que o Goberno do Estado actúe e dea solución a un dos grandes problemas que afronta o noso País: “a grave crise industrial, social e económica que padecemos coa ameaza de fechamento de moitas empresas e coa perda de postos de traballo”.
A emenda rexistrada busca a creación dunha partida específica cunha contía de 200 millóns de euros que garanta a intervención pública de Alcoa “porque para o BNG é evidente que a estas alturas a única solución realmente duradeira e de futuro é que a SEPI compre Alcoa aínda que sexa nunha operación ponte para despois pasala a un operador industrial que presente un proxecto fiábel, seguro e duradeiro”.
Este proxecto terá que garantir a continuidade da actividade e manter a totalidade dos postos de traballo “mesmo que se poidan crear novos postos de traballo”. “É realmente inconcibíbel que o Goberno español, o Ministerio de Industria, sabendo que é a única solución se resista a dar ese paso a esa intervención pública e que Alumina pase a ser parte da SEPI”.
“O BNG seguirá reclamando esa intervención e vai continuar traballando nesa dirección. Esta emenda de 200 millóns posibilita que isto poida ser así. Nós temos a expectativa de que o Goberno acabe entendendo que esta é a única solución e, polo tanto, os partidos que o conforman terán que apoiar esta emenda do Bloque Nacionalista Galego” conclúe Rego.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
