Lugo, 15 de novembro de 2021. Logo das declaracións realizadas por Ana Pontón na Mariña esta mañá, o PP desta comarca, respaldado pola presidenta provincial, Elena Candia, replica á dirixente nacionalista: “Incumpriu o acordo de goberno que ela mesma asinou. É co-responsable do problema da nosa industria e do noso emprego. O resto é palabrería”, afirman.
Os populares censuran deste xeito “o atrevemento” da líder do BNG de manter este encontro, así como as súas palabras. “Foi ela mesma a que se fotografou con Adriana Lastra para escenificar o acordo de goberno a cambio de buscar unha solución para Alcoa que, como se pode comprobar, tan só foi teatro político”, sinalan.
Neste senso, os populares afean á nacionalista que “non teña máis humildade política”, pois “resulta insultante vir á Mariña a falar de emprego cando o seu partido, o BNG, é cómplice da situación que atravesamos”. “É cando menos unha falta de respecto e un insulto ás miles de familias que levan meses nunha incertidume laboral a consecuencia das mentiras e da inacción dun Goberno, que ela mesma apoiou, e que segue sen dar unha solución ás electrointensivas”, afirman.
O BNG, “garantía de nada para esta provincia”
A este respecto, insisten en que, “no canto de ser parte da solución como está a facer o presidente da Xunta hoxe mesmo en Madrid, o que está a ser o BNG é parte do problema”. Por este motivo, os populares convidan a Ana Pontón “a facer valer a súa palabra”, xa que, “como ela mesma di, na Mariña o que estamos fartos é de comprobar como o BNG só se arrima ao PSOE para non deixar gobernar ao PP e, o que é peor, que se entregan a cambio de nada”. “Esta é a realidade, que os nacionalistas nos gobernos son garantía de nada para esta provincia. Os feitos así o demostran, como é este caso. Non son parte da solución, senón que son co-responsables do problema”, sentencian.
Por todo elo, os populares da Mariña instan á dirixente nacional nacionalista a “que condicione os pactos onde o BNG cogoberna co PSOE a dar unha solución”.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
