Barreiros, 19 de novembro de 2021. O PP de Barreiros demándalle ao goberno local máis celeridade na obra da rúa do centro de saúde paralizada dende fai un mes e que dote de iluminación esta céntrica rúa que comunica as vivendas sociais coa rúa principal de San Cosme onde se localizan os establecementos comerciais.
O portavoz municipal, José Manuel Gómez Puente, explica que “as obras comezaron a primeiros de setembro e, dende fai máis dun mes, non volveron traballar; a pesar de que están sen rematar”.
Así mesmo, indica que “é necesario dotar de alumeado a esta rúa de forma urxente porque nestes meses que hai poucas horas de día e ás oito da mañá que abre o centro de saúde que se atopa nesta rúa aínda é noite polo que os profesionais sanitarios e os pacientes teñen que acudir a escuras”. Igualmente, as persoas que participan nas actividades do centro sociocultural despois das seis e media da tarde atópanse cunha rúa totalmente a escuras”.
Os populares propoñen, cando menos, acender as dúas farolas que hai na fachada do centro de saúde – colocadas antes de comezar as obras- para “evitar caídas e a inseguridade que supón camiñar por esta rúa a escuras”.
Gómez Puente pídelle “sensibilidade” á alcaldesa con respecto ás persoas que teñen que camiñar por esta rúa para acudir ao centro de saúde ou a calquera outro lugar desta rúa”.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
