Cervo, 21 de novembro de 2021. A presidenta provincial do PP, Elena Candia; e o coordinador xeral, José Manuel Balseiro; participaron xunto ao alcalde de Cervo, Alfonso Villares, nunha reunión con afiliados e colaboradores do PP local para agradecerlles todo o seu traballo, “imprescindible para que o Partido Popular continúe a ser o partido de goberno no Concello”. Tamén explicaron “todo o traballo que estamos a facer dende as distintas institucións en apoio aos nosos veciños” e que “temos que trasladar á xente”.
Os participantes non puideron evitar amosar a súa preocupación ante a “incerteza” que vive A Mariña con respecto á planta de Alcoa e os postos de traballo que xera a única fábrica de aluminio primario de España ao ser un tema de “vital importancia”. Candia condenou, a este respecto, “a falta de implicación, de respostas e, incluso, o desprezo dos outros partidos que son autores e cómplices necesarios desta situación”.
“O PSOE está ausente, mentres o Goberno central do seu partido lle está a dar as costas aos mariñáns”, coinciden os populares. Villares lembrou que “o comité de empresa pediu aprobar o estatuto electrointensivo e non o fixo. Agora pide a intervención temporal da planta mediante a SEPI para vender a un terceiro comprador solvente que garanta a actividade e os empregos na fábrica e tampouco o fai”. De feito, hoxe mesmo a Ministra descartou intervir a fábrica. Candia apuntou tamén a responsabilidade do BNG, “o partido que apoiou converter a Sánchez en presidente a cambio dunha solución para Alcoa que aínda non chegou”.
Tamén se abordaron durante o encontro outros dos problemas que está a provocar na Mariña a política enerxética de Sánchez que “está levando a marchar a empresas -como Vestas- que xeran emprego na comarca”.
Falta de compromiso inversor por parte do Goberno de Sánchez
A popular condenou tamén “a falta dun compromiso inversor do Goberno de Sánchez que queda patente coa ridícula consignación nos PGE para o 2022 dirixidos á A-74, a autovía da Mariña”. En materia de infraestruturas viarias, a presidenta provincial do PP vén tamén de denunciar a parálise por parte do Goberno de Sánchez nas obras da autovía A-56 entre Lugo e Ourense. Por todo isto, Candia entende que “O PSOE está facendo un dano irreparable á nosa provincia”, conclúe.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xives dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Neste espazo radiofónico Félix Jorquera falará coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
Entre as 10:00 e as 14:00 horas haberá arredor dunha decena de postos con produtos agroecolóxicos e de proximidade, ademais dun punto informativo para persoas interesadas en emprender no sector e actividades infantís. A alcaldesa Marta Rouco destaca que a feira busca dar vida ao centro da vila e visibilizar o rural como espazo de emprendemento, mentres que a concelleira Paula Vigo salienta a colaboración con A Estruga para ampliar a oferta habitual do mercado. O Concello anima á veciñanza a achegarse e coñecer os proxectos participantes.
Nesta ocasión, o grupo desprazouse ata A Pontenova para realizar un percorrido de 17 quilómetros que combinou a Ruta dos Fornos, a Ruta do Ferrocarril e a Ruta do Muiñeiro Namorado. A actividade, de dificultade baixa, iniciou o seu percorrido na Praza dos Fornos da Pontenova e rematou en San Tirso de Abres.
