Lugo, 22 de novembro de 2021. A Vicepresidencia da Deputación de Lugo renova a súa colaboración co Correlingua, unha iniciativa de promoción do uso do galego entre a infancia e a mocidade impulsada pola Mesa pola Normalización Lingüística, a Asociación Socio-pedagóxica Galega e CIG-Ensino.
As carreiras a prol do idioma, que se viñan facendo desde o ano 2000, tornaron nestes dous últimos anos, a causa da pandemia, nunha programación lúdica e educativa dirixida a centros escolares de toda Galiza que comezou a finais de outubro e que nestas semanas chega ás comarcas de Lugo, con diferentes propostas.
Festa concerto en Foz
A actividade central desta 21 edición do Correlingua na provincia celébrase mañá martes en Foz, coas actuacións musicais de Cozorellos Salvaxes e Monoulious DOP no pavillón municipal Torques de Marzán ás 12.00 horas.
Máis de 300 alumnas e alumnos de infantil, primaria e 1º e 2º de ESO de seis centros educativos da comarca da Mariña – o CPR Martínez Otero, o CEIP O Cantel e CEIP de Foz nº 1, de Foz; o CEIP Pedro Caselles e o IES Illa de Sarón, de Xove; e IES Monte Castelo, de Burela- acudirán ao concerto, no que se manterá a fórmula de aulas burbullas para ofrecer todas as garantías sanitarias ao alumnado.
Obradoiros e actividades de pequeno formato
Baixo o lema xenérico “Inmunízate coa lingua”, o Correlingua ofrece aos centros educativos a posibilidade de concertar obradoiros creativos e actividades de pequeno formato orientadas a promover o uso do galego dentro e fóra das aulas.
Así, o CEIP Albeiros de Lugo acolleu esta mañá un obradoiro de banda deseñada dirixido por Miguel Fernández mentras, no IES Nosa Señora dos Ollos Grandes, tamén en Lugo, Ana Carreira coordinou un obradoiro de escritura creativa.
As actividades continuarán nos vindeiros días, con esta axenda:
24 de novembro: actuación de Pakolas, no CPI Dr López Suárez de Friol.
29 de novembro: sesión de contacontos con Ana Carreira no CEIP Ricardo Gasset do Incio.
29 de novembro: actuación de Monoulious no IES Anxel Fole de Lugo.
30 de novembro: sesión de contacontos con Ana Carreira no CEE Santa María de Lugo.
9 de decembro: actuación de Dúo Vaguedades no IES A Pinguela de Monforte.
A vicepresidenta da Deputación de Lugo, Maite Ferreiro, sinalou a necesidade “de iniciativas que busquen a participación activa da infancia e da mocidade no uso e na defensa do galego” fronte “á perda de falantes de galego ao longo das etapas educativas que reflicte o último estudo da RAG sobre esta cuestión”.
A Vicepresidencia da Deputación de Lugo achega 21.000 euros á organización das actividades do Correlingua.
Nesta ocasión, a homenaxeada foi a de Román. Tras unha recepción ás portas do concello, a veciñanza da parroquia desprazouse a pé ata a Igrexa de Santa María co grupo tradicional Cerna de Árbol. Na misa, cantada pola Coral Polifónica Vilalbesa, realizáronse as ofrendas e púxose en valor a tradición “dos canteiros e os traballos en pedra” en Román, unha parroquia cun destacado patrimonio histórico e cultural. Tras a celebración na igrexa, os veciños e veciñas de Román compartiron uns pinchos de fraternidade no Centro Cultural.
O corte afectará ao tramo que vai desde o principio da vía ata o punto quilométrico 0,900. Para facilitar a execución das obras, será necesario que non haxa vehículos estacionados nese treito. Os traballos, executados pola empresa Jose No Mantiñan E Hijos Construcciones, S.A., forman parte dun proxecto conxunto para a mellora e acondicionamento de varias estradas provinciais no municipio de Xove, cun investimento total superior aos 800.000 euros.
Daniel García reafirmou o apoio ao festival, que conta cunha colaboración estable e continuada da Vicepresidencia provincial desde a primeira edición e valorou "o impulso que a Asociación Fanto Fantini lle dá ano a ano ao festival, cun programa que vai máis alá do cartel musical e que profundiza na súa identificación e o seu vínculo con Burela e coa Mariña". A Vicepresidencia da Deputación achega 25.000 euros ao patricinio desta edición do Osa do Mar.
Presidenta e xerente, Carmen Cruzado e Jesús Pérez, acudiron ao Teatro a escoitar a Pepe Conde, quen fora xefe do servizo de cirurxía do HULA e persoa moi vinculada a esta vila por motivos familiares. Co seu pregón arrincaron varios días festexos que rematarán o vindeiro martes, día da patroa. Cruzado e Pérez departiron cos responsables da comisión das festas minutos antes do inicio do pregón.
No acto tamén estivo o presidente de ACRUGA, César Dorado Pin, e outras autoridades. López destacou a importancia do certame e entregou os trofeos. A Granxa Gayoso Castro, situada en Castro de Rei, é un referente provincial pola súa labor de formación, investigación e apoio á recría de Rubia Galega en colaboración coa USC e ACRUGA.
O evento comezou cunha misa na igrexa parroquial de Santa María de Meira e a continuación, tivo lugar o tradicional xantar no Pavillón dos Deportes e o recoñecemento ao home e á muller de maior idade do municipio. Nesta xornada de convivencia, Fernández Méndez puxo en valor a contribución das persoas maiores á sociedade e enxalzou o seu papel activo no municipio, “é unha satisfacción compartir este día coas nosas persoas maiores, que tanto teñen achegado á sociedade e que merecen espazos de encontro e celebración como este”.
