A Mariña, 21 de decembro, 2021. O pasado 25 de novembro publicábase no BOE a corrección de erros do anuncio do trámite de información pública do Parque Eólico Fonte Barreiros, en Barreiros e Ribadeo. O prazo para presentar alegacións ó mesmo remata o 12 de xaneiro. Na presente nota, desde a Plataforma Eólicos na Mariña, Así Non, queremos trasladar á veciñanza mariñá as razóns da nosa oposición a esta infraestrutura, ó tempo que ofertar un modelo de alegación a quen quera amosar con nós a súa disconformidade co fondo da cuestión e co xeito no que se está a levar a cabo coa complicidade de todas as administracións.
Sinalar ante todo que vemos a enerxía eólica, tan abondosa na Mariña, como un sector chave para o noso futuro, e precisamente por iso entendemos que cómpre facer un estudo e un debate aberto para que o seu aproveitamento beneficie a quen vive na comarca e en primeiro lugar ás parroquias do rural, deixando nelas incentivos económicos a familias e granxas e minimizando os impactos sobre a súa calidade de vida, os solos e as augas. Dese xeito esta riqueza da eólica traballará contra o despoboamento rural.
Porén, no modelo proposto -incompatible co anterior, pois supón unha reserva do dereito ó aproveitamento eólico pola empresa- os dazaseis aeroxeradores do parque eólico Fonte Barreiros, cun orzamento de 80 millóns de euros, cos prezos actuais da enerxía poden dar uns ingresos anuais -segundo as contas de Green Capital Development SL- duns 50 millóns. Desa cantidade pagarían ás propietarias dos terreos unha cantidade de 12.500€ por aeroxerador -200.000€ en total- e outro tanto a repartir entre os concellos de Ribadeo e Barreiros a través do Plan de Compensación Ambiental.
Cómpre sinalar que estatísticamente eses 12.500€ se repartirán entre unha media de 5 propietarias, que terán que asumir limitacións no aproveitamento forestal e, a maiores, pasarán a pagar IBI industrial e terán que facer a declaración de IVE trimestral, gastos que globalmente levarán a meirande parte deses ingresos (cando non máis, se a superficie afectada fora pequena).
Falamos polo tanto que ó redor dun 0,5% dos ingresos derivados do aproveitamento do noso vento quedarán na comarca, que en troques quedará hipotecada paisaxísticamente cos 16 aeroxeradores de 220 metros (coma torres de 70 pisos nos cumios dos montes), afectada nos seus regos -mesmo na traída de auga de Ribadeo-, cun incremento no risco de lumes e unha afección a vivendas das parroquias que resulta indignante que se permita cando xa a propia Xunta ten recoñecido que “no futuro” non se poderán poñer estes aeroxeradores a menos de 1000 metros das vivendas.
O Estudo de Impacto ambiental presentado resulta dunha levidade insultante, cun inventario moi superficial dos valores, estimando os efectos case todos insignificantes e deixando para cando xa estea todo feito unha avaliación ex-post que nada poderá amañar. A maiores, nin comenta aspectos tan determinantes como a afección xa mencionada á traída do Lexoso, nin a presenza do Camiño de Santiago, nin o feito de que os aeroxeradores van rodear o centro reemisor da TDT do Mondigo que dá sinal a 30.000 persoas da comarca, causando interferencias con toda probabilidade.
Desde a Plataforma Eólicos na Mariña Así Non chamamos á veciñanza, ante todo, a informarse (pola nosa parte estamos abertas a presentar os datos que dispomos ás parroquias e asociacións:
solicitudes a eolicosnamarinha.asinon@gmail.com), a esixir ós Concellos afectados que sexan proactivos e difunda a información que dispoñen, a presentar alegacións nos rexistros dos Concellos (poden pedirnos un modelo no noso email) e amosar o seu apoio a outro modelo de desenvolvemento eólico para a Mariña, que esixa creación de emprego local, que reparta o beneficio na comarca, e idealmente que estea pensado, deseñado e promovido polas comunidades e
administracións locais. Cómpre loitar hoxe para gañar ese futuro.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
