Chega ‘Mondoñedo APP’ con información de actividades; guía turística; lector QR; directorio de hostalería, comercio e empresas; e un servizo de mensaxes

Mondoñedo, 12 de decembro de 2021. Mondoñedo vén de crear unha nova aplicación móbil para veciños e visitantes. Con “Mondoñedo APP” os usuarios poden manterse informados de todas as novidades (noticias, avisos, eventos) que teñen lugar no Concello, recibindo puntualmente no seu dispositivo unha notificación con cada comunicado. Ademais, esta nova canle de información conta cunha completa guía turística dispoñible en varios idiomas (galego, español e inglés), lector de códigos QR, un directorio de locais de hostalaría, comercios e empresas, e un servizo de comunicación bidireccional onde os usuarios poden enviar mensaxes ou reportar incidencias.

Difusión de noticias
Dun xeito moi doado e intuitivo, “Mondoñedo APP” permite aos usuarios recibir avisos diarios no seu teléfono móbil sobre as últimas noticias municipais, bandos, normativas, cortes de tráfico, avisos, ofertas de emprego, subvencións, etc.

Os usuarios que descarguen a aplicación no seu teléfono intelixente poderán estar ao corrente de todo o que acontece en Mondoñedo. A plataforma permite a subscrición sen custe a diferentes canles informativas (xeral, cultura, turismo, ocio, festas, etc.). Dependendo dos intereses dos usuarios, estes poderán escoller recibir notificacións dos comunicados que se publiquen soamente nas canles da súa elección ou en todas as dispoñibles.

Axenda de eventos
Neste apartado da aplicación ofrécese información actualizada sobre os vindeiros eventos que van ter lugar en Mondoñedo, por orde cronolóxica da data de inicio. En cada evento, os usuario poderán facer uso de ferramentas como a xeolocalización (funcionalidade que permite obter indicacións por medio do GPS do teléfono para chegar ata o lugar do evento) ou exportar os contidos ao calendario do seu teléfono (engadindo os eventos no calendario del móbil, o usuario pode establecer recordatorios das datas do evento). Algúns eventos poderán incorporar ligazóns externas, por exemplo, para reserva de localidades ou compra de entradas.

Guía turística
A aplicación “Mondoñedo APP” ofrece información de interese sobre máis dun cento de elementos da cidade (monumentos, museos, patrimonio histórico, entorno natural, rutas, arqueoloxía, artesanía, gastronomía,… ). Unha completa guía turística integrada que permite navegar polos diferentes contidos facendo uso dos menús clasificados por temas, ou consultar os puntos de interese sobre o mapa da cidade para ver con detalle a localización dos mesmos. Pódese, incluso, facer uso do navegador GPS do terminal móbil para chegar con facilidade ata cada posición.

Todos os elementos da guía turística están dispoñibles en galego, español e inglés, e incorporan recursos gráficos e arquivos adxuntos que permite ampliar o coñecemento sobre cada materia. A funcionalidade da guía turística complétase con lector de códigos QR que facilita información en detalle cando se escanea un dos códigos dispostos sobre a sinalización vertical dos principais recursos turísticos do municipio.

Directorio
Esta funcionalidade permite consultar información relativa ó transporte, farmacias, aloxamentos, bares, restaurantes, comercios, empresas, etc. Facilítase unha listaxe de contactos clasificados por categorías (teléfonos de interese), con ferramenta de buscador para axilizar o acceso á información e posibilidade de chamada automática ó teléfono seleccionado.

Cada elemento do directorio pode incorporar información adicional como e-mail de contacto, páxina web, horarios de apertura, documentos adxuntos (información sobre ofertas, menús de restaurantes, etc.) e coordenadas GPS para facilitar a navegación ata a porta do establecemento. Os usuarios poden gardar os seus contactos favoritos para ter un acceso rápido.

Mensaxes
A aplicación “Mondoñedo APP” crea unha canle directa e bidireccional coa ciudadanía, ao tempo que permite a cada usuario subscribirse a notificacións para recibir avisos no seu teléfono móbil sobre as últimas noticias municipais. Tamén permite facer que a veciñanza participe dun xeito directo no avance da cidade, facilitando unha canle de retorno onde os usuarios poden comunicar consultas, incidencias ou suxestións, enmarcadas en diferentes temas de interese (auga, alumeado público, contaminación, vías públicas, parques, mobiliario urbano, catástrofes, lixo, limpeza, etc.). Estas mensaxes poderán enviarse dun xeito inmediato incorporando opcionalmente fotografías e localización GPS, ó tempo que se facilita un seguimento do estado das comunicacións en tempo real.

Descarga Mondoñedo APP
O deseño gráfico da aplicación é actual e agradable para o usuario final, acorde coa imaxe do Concello de Mondoñedo e de súa área de turismo. Está baseada en “tabs” (pestanas), que permiten crear una interface de usuario moi intuitiva e doada de utilizar, na que se pode acceder ás funcionalidades principais simplemente pulsando sobre una barra de botóns situada en la parte inferior de la pantalla. Esta app conta, ademais, con ferramentas de accesibilidade integradas.

A aplicación xa está dispoñible para todos os usuarios das principais plataformas de móbiles (Android de Google –https://play.google.com/store/apps/details?id=com.liderfy.mondonedo– e iOS de Apple –https://apps.apple.com/es/app/mondo%C3%B1edo-app-liderfy/id1578112893-) e pode descargarse nas respectivas “stores” buscando polo termo “Mondoñedo APP”. A aplicación foi desenvolvida pola empresa galega Liderfy.