Santiago de Compostela, 16 de decembro de 2021. O PP vén de rexeitar a iniciativa socialista para implantar na Mariña lucense, no vindeiro curso académico, ciclos formativos da familia náutico-pesqueira para formar a patróns de litoral e outros mecánicos navais. Ocorreu hoxe, na Comisión de Pesca do Parlamento, onde o PP votou en contra dunha proposición non de lei do PSdeG neste sentido.
A voceira de Pesca do Grupo Socialista, Patricia Otero, reivindicou a necesidade de implantar estas ensinanzas na Mariña, xa que Burela e Celeiro contan “con dúas das principais lonxas europeas” que “xuntas moven case o 26% da facturación e o 23% dos peixes e mariscos frescos de Galicia”, acadando 423 millóns de quilos e 1.258 millóns de euros nos últimos dez anos.
“A pesar destas cifras, na comarca non se poden formar patróns de litoral e outros mecanismos navais, co que os traballadores e traballadoras da Mariña teñen que se desprazar para facer esta formación a outras comarcas cos inconvenientes e dificultades que isto implica”, denunciou a responsable socialista quen tamén lamentou que isto supón que a Mariña é “a única gran área pesqueira do noroeste español sen ensinanzas náutico-pesqueiras”.
Por todo isto, Otero urxiu a “necesidade” de impartir estes ciclos na Mariña, tendo en conta ademais que “faltan mandos para os barcos” tanto no Celeiro como en Burela e esta situación “podería verse agravada aínda máis nos próximos anos polas inminentes xubilacións”. “É indubidable a necesidade de formación para combater a falla de remuda xeracional”, sinalou a socialista tras asegurar que esta demanda é amparada polo propio sector no Celeiro.
Por último, Otero censurou a posición “incoherente” do PP ao presentar unha emenda de substitución a esta proposición non de lei, rexeitada polo PSdeG, ao tempo que votou en contra das emendas dos grupos parlamentarios aos orzamentos da Xunta de 2022 neste sentido, que si implicaban un “compromiso orzamentario” coa formación náutico-pesqueira na Mariña. “Está ben a literatura das emendas, pero o compromiso son os cartos”, concluíu.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
