Cervo, 1 de decembro de 2021. As traballadoras e os traballadores de Jofraas (auxiliar que realiza os servizos de limpeza industrial na factoría de Alcoa San Cibrao) acordaron iniciar folga indefinida dende hoxe, mércores 1 de decembro, para esixir un acordo que regule as condicións de traballo. A primeira xornada de paro está rexistrando un seguimento maioritario (supera o 80%), a pesar das presións de mandos intermedios da empresa para tratar de boicotear a folga, especialmente entre o persoal eventual, con ameazas de non renovacións de contrato ou despedimentos.
Para o responsábel de CIG Servizos da Mariña, Xoán Díaz, con estas manobras a empresa está tratando de vulnerar o dereito lexítimo do persoal a secundar unha folga, algo que resulta “grave, polo que estudaremos as medidas a tomar ao respecto”. Neste senso, para as delegadas da CIG en Jofrasa “esta práctica é algo que aínda nos dá máis folgos para loitar. Se hai presións é porque ven que por fin o persoal está decidido a defender os seus dereitos, e cando se chega a ese punto até que se chegue a un acordo xa non pode haber marcha atrás”.
O piquete informativo apostouse diante da entrada da fábrica dende ás 6 de mañá e das 7 até ás 10horas, o persoal desenvolveu unha concentración na que aproveitou para explicar ao resto de compañeiros e compañeiras da empresa principal e das auxiliares os motivos da folga e pedirlles a súa solidariedade.
Meses de negociacións sen chegar a acordo
Dende o pasado 3 de novembro o persoal está realizando concentracións todos os mércores diante da fábrica, coincidindo coa entrada de mañá da quenda ordinaria, pero ante a falta de avances nas negociacións con Jofrasa, decidiron intensificar as medidas de protesta e ir á folga indefinida até lograr un acordo que recolla melloras sociais e económicas e que estas sexan para o conxunto do persoal.
Jofrasa e as delegadas/os do persoal (2 da CIG e 1 de UGT) levan meses negociando un acordo de empresa que regule as súas condicións de traballo da limpeza da factoría de Alcoa en San Cibrao, xa que actualmente, o convenio que se lles está a aplicar é o de limpeza de edificios e locais que “se ben cita a limpeza de industrias, para nada está pensado nin desenvolto para tal”, valora unha das delegadas da CIG, Julita Souto.
Explica que o persoal de Jofrasa, ademais da limpeza de todas as instalacións, tamén se encarga da limpeza de varios compoñentes do propio proceso produtivo e froito dese tipo de traballos, téñense que establecer unha serie de reténs que son susceptíbeis de ser chamados en caso de necesidade da empresa principal. Este tipo de flexibilidade laboral non está recollida no convenio provincial da limpeza. A este respecto, Mila Orosa (CIG) aclara que “nós non negamos que a particularidade do noso centro de traballo esixe unhas condicións diferentes ás que recolle o convenio, pero entendemos que esas particularidades deben ser negociadas e postas negro sobre branco para saber a que axustarnos en cada momento”.
Logo de varios meses e varias reunións coa empresa, mesmo con pequenos avances en materia social, as negociacións están encalladas no económico. Un estancamento que non se entende cando a propia Jofrasa ten asinado acordos ou convenios de empresa cunhas condicións económicas moi superiores á que pon enriba da mesa para o persoal destinado en San Cibrao. Para Xoán Díaz “non se pode permitir que, en pleno século XXI, nun mesmo complexo industrial, coas dimensións e características do que estamos a falar, siga existindo unha enorme fenda salarial entre este persoal con respecto ao resto de empresas auxiliares e da empresa principal, é inconcibíbel que se tente perpetuar certas actividades a ser actividades de segunda”.
Ambas delegadas coinciden ademais en sinalar que están fartas de ser as “cincentas” do complexo industrial, e que se algo demostrou a pandemia é que a limpeza é un sector esencial, imprescindíbel e xa vai sendo hora que tamén se recoñeza iso salarial e laboralmente.
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
