Lugo, 25 de xaneiro de 2022. O BNG levou ao Pleno Provincial unha moción en demanda dunha lexislación que rescate os dereitos laborais eliminados pola reforma do Partido Popular en 2012. Na iniciativa, a formación nacionalista reclama ao PSOE e Unidas Podemos a tramitación do Real Decreto Lei aprobado en decembro como Proxecto de Lei para acordar, no ámbito parlamentar, un texto novo que recupere, entre outros aspectos, as indemnizacións por despedimento improcedente e a necesidade dunha autorización administrativa previa para os ERE´s.
Na exposición da moción, o voceiro nacionalista Efrén Castro lamentou que o goberno do PSOE e Unidas Podemos “defraudara as ilusións depositadas pola clase obreira na derrogación da reforma laboral do Partido Popular” e instou aos partidos do Goberno do Estado a “mellorar o texto coas emendas que o BNG, e outros grupos cos que coincidimos nestas demandas, presenten no Congreso”
Nesa liña, fixo fincapé na necesidade de recuperar a indemnización de 45 días por despedimento improcedente; a autorización administrativa previa da autoridade laboral no caso dos Ere,s -algo que, lembrou, fortalecería a posición dos traballadores en casos como o de Vestas -;a prevalencia dos convenios sectoriais sobre os de empresa, en todos os aspectos, ou a prevalencia dos convenios provinciais e autonómicos sobre os estatais.
“O texto aprobado polo Goberno do Estado frea a perda de dereitos pero non os recupera”, concluíu o deputado nacionalista, engadindo que “o BNG defenderá os dereitos de traballadores e traballadoras en todos os foros políticos nos que ten representación”
Fronte á posición de PPdeG e PSdeG que votaron en contra desta iniciativa para mellorar o texto lexislativo, ro voceiro nacionalista enfatizou que “os dereitos laborais son fundamentais nun estado social, non unha utopía – como sinalara antes do deputado popular Agustín Vaamonde-.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
