Xove, 8 de febreiro de 2022. A subdelegada do Goberno, Isabel Rodríguez, destacou hoxe o importante investimento que vai realizar o Goberno no cuartel da Garda Civil de Xove coa finalidade de mellorar a súa eficiencia enerxética. Anunciou que o Goberno destina 899.514 euros do Plan de Recuperación para unha actuación que ten previsto realizar o Ministerio do Interior nestas dependencias da Garda Civil.
A subdelegada do Goberno fixo este anuncio durante unha visita que efectuou, esta mañá, ao posto da Garda Civil de Xove, na que estivo acompañada polo coronel xefe da Comandancia da Garda Civil, Miguel González Arias, así como pola tenente de alcaldesa deste Concello Ana Abad.
Isabel Rodríguez explicou que as melloras no cuartel de Xove enmárcanse na política do Goberno de reforzo dos servizos públicos para asegurar unha recuperación xusta e igualitaria en todo o territorio. Dentro desa aposta que fai o Goberno para reforzar a seguridade cidadá e pola transición ecolóxica, inclúense tamén outras actuacións na comarca da Mariña, que se beneficiará, ademais, do investimento de 7,7 millóns de euros para a realización de reformas no cuartel de Burela.
Os dous proxectos que se acometerán en Xove e Burela forman parte dun plan de mellora de equipamentos do Ministerio do Interior que ten por obxectivo promover o aforro e a eficiencia enerxética. Con esta finalidade, o Goberno vai investir un total de 21 millóns de euros en Galicia, dos que máis da metade serán destinados á provincia de Lugo.
Os cartos para equipamentos na nosa provincia superan os 11 millóns de euros. Ademais das actuacións na comarca da Mariña, está prevista tamén a realización de melloras en instalacións da Garda Civil de Monforte, onde se farán obras por un importe de 2,4 millóns de euros.
As melloras en dependencias da Garda Civil realizaranse con fondos procedentes do Plan de Recuperación, Transformación e Resiliencia, en concreto do Plan de Transición Enerxética da Administración Xeral do Estado. O listado de actuacións para promover o aforro e a eficiencia enerxética nos cuarteis da Garda Civil foi acordado polos Ministerios para a Transición Ecolóxica e do Interior.
Esta medida inclúe obras destinadas ao illamento de fachadas e cubertas, cambio de fiestras, substitución de luminarias e instalación de paneis solares.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
