Burela, 9 de febreiro de 2022. O Concello iniciou esta semana os traballos de reparación integral de beirarrúas nas rúas Castelao e Beiramar e na zona dos Castros. O investimento ascende a 39.000 euros procedentes de fondos municipais dos remanentes de tesourería. O concelleiro de Obras, Ramiro Fernández, subliña que se trata dunhas obras moi necesarias.
O edil burelés contou que “esta semana comezamos unhas obras que cremos que son moi necesarias. Trátase da reparación de beirarrúas. O importe da licitación da obra foi 39.491,47 euros e abarcan un tramo da rúa Castelao, outro da rúa Beiramar e outro na zona dos Castros”.
Fernández Rey salientou que “estas reparacións eran moi necesarias posto que ben pola antigüidade da beirarrúa estaban bastantes plaquetas xa soltas, ben polo afundimento do terreo polo que estaba aberta a beirarrúa e era un perigo para os viandantes ou ben tamén polo mal uso que se fan das beirarrúas ao subir os coches, algo que ocasiona que as plaquetas se movan”.
O concelleiro de Obras dixo que “xa levamos tempo traballando neste aspecto intentando mellorar moitas beirarrúas, que somos conscientes de que están en mal estado, e seguiremos traballando nesta liña. Ademais disto, a brigada de Obras está facendo un gran traballo intentando solucionar todos os problemas que están xurdindo en diferentes beirarrúas da nosa vila. Pero isto, que agora iniciamos, son reparacións integrais que eran moi necesarias e que xa anuncio tamén que imos seguir traballando neste aspecto durante os próximos meses. Estamos á espera dun proceso de licitación de obras moi importante a partir das próximas semanas que iremos anunciando e esperemos ir solucionando estes problemas de beirarrúas que imos tendo no pobo”.
Ramiro Fernández engadiu que “estes fondos son municipais procedentes do remanente de tesourería que ten o Concello de Burela e que estamos usando para facer todas estas obras, e que demostran a boa xestión económica que estamos facendo desde o grupo de goberno, que nos permiten facer uso de todos eses aforros e remanentes que temos no Concello para ir mellorando Burela día a día”.
O alcalde, Alfredo Llano, e o concelleiro de Obras, Ramiro Fernández, supervisaron esta mañá os traballos de reparación de beirarrúas que deron comezo estes días.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
