Burela, 10 de febreiro, 2022. Grandes sensacións deixou o empate desta tarde en Vista Alegre fronte a todo un histórico como ElPozo Murcia Costa Cálida (3-3) nun encontro no que Pescados Rubén Burela FS marcou a iniciativa no marcador.
Isma e Wanderson probaron fortuna fronte á rede de Molina nos primeiros minutos para dar paso ao maior perigo dos galegos, cun mísil de Lucho, no 9, desde saque de banda de Renato. A Xoia Laranxa acariñou a iniciativa tirándose ao segundo pau para cazar o pase cruzado de Quintela. Tamén dispuxo doutra de ouro Wanderson, desartellada polo pau. Estaba a merecelo o Burela FS e David Pazos fixo estalar a Bancada Laranxa no 16, cunha xusta recompensa. O de Ames culminou a gran galopada de Álex Diz tras aproveitar un mal pase de Marcel. Quedou en inferioridade ElPozo coa segunda amarela de Taynan e Isma ampliou a renda tan só un minuto despois. Rafa Santos conseguiu mitigar a vantaxe galega no 19, nun erro de saída de Renato.
Rafa Santos volveu aparecer tras o descanso para darlles o empate aos seus, no minuto 26, en estratexia. Os mariñáns tiraron de garra e souberon aproveitar tamén con saque de esquina tan só dous minutos despois para recuperar a vantaxe, con Iago Míguez. No 33 tivo Quintela o cuarto ao segundo pau con Isma; non o aproveitaron os galegos e recuperaron táboas os murcianos con meteorito de Felipe Valerio. Non deixou de loitar o Pescados Rubén Burela; dispuxo Wanderson de dobre tentativa. Con tres minutos para a bucina final, ElPozo foi a polo encontro con xogo de cinco con boa resposta dos mariñáns.
Ficha técnica
Pescados Rubén Burela FS: M. Kaluza, Isma, Renato, David Pazos, Wanderson, cinco inicial; tamén xogaron Álex Diz, Lucho, Iago Míguez, Pitero, Quintela
ElPozo Murcia Costa Cálida: Molina, Marcel, Fernando, Darío Gil, Gadeia, cinco incial; tamén xogaron Taynan, Felipe Valerio, Rafa Santos, Matteus, Juanjo, Mariano
Goles: 1-0, minuto 16, David Pazos; 2-0, minuto 17, Isma, 2-1, minuto 19, Rafa Santos, 2-2, minuto 26, Rafa Santos, 3-2, minuto 28, Iago Míguez; 3-3, minuto 34, Felipe Valerio
Árbitros: González Moreta // Sánchez Chamorro. Por Burela amarela a Loito (minuto 19), Renato (minuto 31), Wanderson (minuto 40). Por ElPozo amarela a Taynan (minuto 7 e 16), Molina (minuto 35), Matteus (39).
Incidencias: Partido correspondente á xornada 14 –aprazado do 4 de xaneiro- de Primeira RFEF Masculina disputado en Vista Alegre, coa presenza do vicepresidente da RFGF, Pablo Prieto, no palco de autoridades.
Arrinca a xira
A expedición mariñá emprenderá mañá xa a xira por España que arrincará o domingo 13 en Jaén (18.30 horas) para facer parada en Manzanares (20.30 horas) o mércores 16 e finalizar de novo en xornada dominical en Zaragoza (12.00 horas).
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
