Lourenzá, 28 de marzo de 2022. A alcaldesa de Lourenzá, Rocío López, considera que “é de moi mal gusto que o PP faga política coa rehabilitación do mosteiro xa que quedaramos os tres grupos en traballar unidos, para o que se creou unha mesa de traballo da cal forma parte o voceiro do Partido Popular. Parece que a única intención que ten é romper con esa mesa de traballo, na que o señor Rodríguez foi informado de que son as normas europeas as que non deixan cabida a cesións demaniais deses edificios, é dicir que os convenios de cesión que se firmaron entre os concellos e o Bispado non serviron xa que eses bens tiñan que ser de titularidade pública. De feito, parece que o voceiro popular non se decata de que non só foi o Mosteiro de San Salvador senón que tiveron que ser retirados do Plan Turístico Nacional todos os edificios que non fosen de titularidade pública de toda España”.
A rexedora municipal laurentina engade: “lamento moito esta actitude xa que deberíamos estar todos unidos traballando para buscar novas vías de financiamento para a rehabilitación do mosteiro e non facendo política de algo tan serio. Agradezo a postura sempre colaboradora do BNG de Lourenzá neste tema porque me consta que é un tema que lles preocupa, e no que toca arrimar o ombreiro. Paréceme vergonzoso que o voceiro do PP aproveite a situación para crear controversias e polémicas, cando debería axudarnos a buscar novas solucións en vez de andar botando culpas aos demais. Está claro que empeza a carreira de cara as próximas eleccións e a algúns non lles importa intentar sumar puntos a toda costa, aínda que sexa con cuestións nas que o concello perde. Sinto pena de que non reme con nós, co BNG e co PSOE, nun tema tan serio e tan importante para Lourenzá, deixando de lado as cores políticas”.
Rocío López aclara que “dende o comunicado que nos enviaron da Xunta de Galicia e que recibiron da Secretaría de Estado de Turismo do goberno central parece que deixaron aberta a vía para que en futuras anualidades puidesen concorrer proxectos privados, é dicir o Bispado como propietario do inmoble. Nós, pola nosa parte, seguiremos traballando nesa mesa xunto co BNG para dirixirnos a todas as administracións e ver outras vías de financiamento posibles para conseguir fondos para unha futura rehabilitación”.
A alcaldesa remata comentando: “efectivamente alegrabámonos porque era unha boa nova para Lourenzá e para todos os laurentinos. Daquela o voceiro do PP non se alegrou nin chisco porque pensou que era un mérito do equipo de goberno, pero o señor Rodríguez alegrase hoxe desta mala nova. Que triste esta actitude!”.
Arxentina de nacemento e viveirense de corazón, retomou en Galicia a súa vocación artística e atopou na escultura a súa forma de expresión. A súa obra céntrase en figuras humanas cargadas de emoción, en soidade ou en relación cos outros. A exposición reúne pezas seleccionadas e premiadas en certames de Madrid, Barcelona, Valdepeñas e Florencia nos últimos oito anos, que agora regresan —como a súa autora— á casa. Poderá visitarse ata o 29 de agosto.
Villares gabou o traballo do club Val de Francos, “que en tempo récord logrou situar esta cita entre as máis atractivas da provincia para os afeccionados á hípica”. Neste sentido, destacou a proxección que está a gañar este deporte e o impulso que recibe da Xunta, principalmente a través dun convenio coa Federación Hípica Galega polo que destina máis de 80.000 euros para as actividades a desenvolver este ano. A proba discorrerá por camiños forestais de terra, a excepción dos cruces de estradas, e constará de tres modalidades, con distancias de 80, 60 e 40 quilómetros respectivamente.
A clasificación final quedou do seguinte xeito: en Sub-10, Los 5 FC proclamáronse campións, seguidos de Los Balones; en Sub-12, o primeiro posto foi para Aston Birra, seguido de Minavo de Kiev e The Blues Bananas; en Sub-15, o equipo Piti levou o título, seguido de PDC e Camoca; en Sub-17, PDC acadou o primeiro posto, por diante de Papa Cu Leti e Motototo; e na categoría Sénior, Motototo resultou gañador, seguido de Descansa e Texeira Lima. As medallas foron entregadas pola alcaldesa, Dolores García Caramés, acompañada polos concelleiros José Manuel Balseiro e Alfredo Fernández, que felicitaron a todos os participantes polo seu esforzo e deportividade.
As reservas poderán realizarse por teléfono, chamando ao 982 560 162, ou a través do correo electrónico cultura@viveiro.gal, en horario de 9:00 a 14:00 horas. Cada persoa poderá solicitar un máximo de catro entradas. Desde o Concello de Viveiro anímase á veciñanza a asistir a esta representación e lembra que as reservas se atenderán a partir da apertura do prazo.
A clasificación final situou a Braulio Gayoso (TM Luarca) como gañador, seguido de Eugenio Alonso (CD San Ciprián), e dun terceiro posto compartido por Carlos Ron (Atletic Génova TM) e Domingo Larriety (TM Luarca). A alcaldesa de Cervo, Dolores García Caramés, entregou os trofeos e destacou o éxito dun torneo que xa se consolidou como unha cita imprescindible do calendario deportivo estival. O Concello felicita aos gañadores, a todos os participantes polo alto nivel amosado durante a xornada e ao CD San Ciprián pola excelente organización dun evento que continúa reforzando o seu papel como referente do tenis de mesa no norte peninsular.
Durante o evento realizouse unha ofrenda aos mariñeiros falecidos e, seguidamente, tivo lugar a subida da imaxe da Virxe do Carme ata a Igrexa. Esta última xornada continuou cunha misa solemne, á que asistiron numerosos veciños e visitantes que se achegaron ata a localidade mariñá, seguida da procesión acompañada pola Banda Naval e de actuacións musicais. A programación completarase a partir das 17:00 horas con diferentes actividades para os máis cativos e cativas.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
