Foz, 24 de marzo de 2022. A concelleira de Facenda en Foz, Inés López Couto, manifesta que se ve na obriga de volver responder ao voceiro do Partido Popular porque “non entende o que non quere entender. De novo o señor Castiñeira xoga ao engano nunha nota de prensa repetida que non basea en feitos senón en descualificacións e suposicións. Estamos para traballar, non para perder o tempo en debates baleiros”.
Inés López explica que “o señor Castiñeira pretende culpar ao actual goberno do seu desgoberno de oito anos. No exercicio 2014 a concesionaria do servizo de abastecemento denunciou ao Concello e este aprobou en pleno ás súas esixencias. O contrato de concesión caducou no 2017 e ata o 2018 non se comezaron a facer trámites para a nova concesión, o cal, e xa sabendo dos problemas existentes en torno a este contrato dende o 2014 e incluso dende antes, non fala precisamente de anticipación. O contrato deixouse caducar, os trámites comezáronse tarde e no 2019 non foi capaz de chegar a un acordo para aprobar este prego. Igual tamén por falta de valentía na explicación deste prego, se era en realidade tan vantaxoso, e o prego quedou sobre a mesa”.
A edil de Facenda engade: “continuouse a traballar neste expediente e afondando nel cos técnicos atopáronse múltiples deficiencias, ademais de valorar novas variables coma a existencia da nova depuradora, que non se tivo en conta no anterior prego. En ningún caso se vai esperar a que exista unha nova depuradora senón que se pretende anticipar as necesidades, xa que antes non se fixo, tendo en conta a enorme complexidade dun expediente deste tipo. O Concello debe pagar ano a ano, o que de todos modos xa debería pagar, so que de forma máis ordenada, polo que vamos a traballar para que se corrixa o máis rápido que poidamos”.
“Solucionar en dous anos e medio os problemas xerados durante oito é difícil, máis seguiremos traballando coa maior das constancias e sentido común para tentar avanzar no que non se fixo antes” finaliza a concelleira.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O percorrido comeza nun lugar simbólico: as pontes sobre o río Sor, que unen as provincias da Coruña e Lugo e marcan un dos vértices do territorio lucense. Con esta iniciativa, Guido Guía propón unha travesía pola diversidade paisaxística, histórica e humana da provincia, destacando a riqueza dos seus espazos naturais, monumentos e comunidades.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
A cita será o luns 19 de outubro, ás 17:30 horas, cun punto de encontro no peirao de San Cibrao. Ademais, os diferentes edificios municipais iluminaranse de cor rosa para sensibilizar á poboación sobre a importancia da detección precoz, fundamental para mellorar o prognóstico e a supervivencia das pacientes que padecen esta enfermidade.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Durante 45 minutos, tres malabaristas —Pablo Reboleiro, Aitor Garuz e Santiago Montero— mergúllanse nun caos divertido onde ninguén manda e todo flúe entre xogos de poder, equilibrios imposibles e humor. A obra amosa como, no mundo dos malabares, romper os patróns establecidos pode levar a descubrir que a verdadeira maxia está en aprender a xogar xuntos.
No encontro, abordáronse temas como a posibilidade de colaborar na mellora da formación dos traballadores, destacando a importancia que ten ese aspecto neste sector estratéxico para Galicia. Tamén se trocaron puntos de vista relativos ás condicións laborais dos profesionais do mar.
