Muras, 18 de marzo de 2022. É de publico coñecemento que os traballos para contar cun polígono Industrial iniciáronse no ano 2016, e despois de seis anos seguimos sen ter aprobado a modificación das normas subsidiarias, trámite necesario para poder construír as ansiadas instalacións industriais. Nesta tramitación, foron varios os requirimentos da Dirección Xeral para emendar o documentos, ben por falla de informes ou por cuestións puramente formais. No último requirimento de Urbanismo, advirten da ausencia dun informe sectorial, de Medio Rural, sobre a protección agropecuaria e forestal, que non fora requirido en ningunha comunicación anterior, ademais da necesidade de aportar planos dos que tampouco se dera conta previamente.
Non é comprensible que a lexislación do solo de Galicia, estableza no seu artigo 60.7, que será o órgano competente en materia de urbanismo quen solicite os informes sectoriais autonómicos preceptivos, que haberán de ser emitidos no prazo de tres meses, transcorrido o cal se entenderán emitidos con carácter favorable, e despois a propia Xunta inste ao concello a que solicite ditos informes. De feito, o último informe que se precisa da Consellaría de Medio Rural, foi solicitado polo Concello o 20/12/2021, e a día de hoxe, despois de catro meses, aínda non foi emitido.
O colmo deste proceso é a presentación do PP de Muras, a través do Sr. Balseiro, dunha pregunta na comisión 2ª de ordenación territorial para saber en que situación se atopa o expediente da modificación urbanística. Parece que o PP aínda non se enterou de que hai seis anos que Muras quere facer un polígono Industrial e tampouco que Augas de Galicia ou a Consellaría de Medio Rural son organismos que dependen da Xunta de Galicia, non do concello, polo que mellor lles sería pedir explicacións nos despachos onde gobernan.
A equipa de goberno, manifestou que “Con tanta lexislación feita polo PP de simplificación administrativa para a reactivación da economía non é normal que a propia Xunta de Galicia non cumpra a normativa que aproba, como nos prazos de emisións de informes”. Os edís engadiron que “a verdade é que o PP na Xunta non está facendo nada para activar a economía de Muras, porque as empresas seguen esperando a que teñamos o parque industrial listo, onde se poderían crear varios postos de traballo. Despois quéixanse de que o rural está despoboado e da falla de emprego”. Por último engadiron “Se queren que Muras conte cun polígono Industrial, que se dediquen a traballar xa na Xunta para que fagan o seu traballo, en vez de enganar con palabrería barata e poñer trabas no futuro do noso pobo. Levamos once anos de moita propaganda de Feijoo de activación da economía e cero efectividade, e só vemos como as empresas na comarca pechan unha tras outra”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
