Burela, a 19 de marzo de 2022. O Grupo Municipal Popular vén de demostrar unha vez máis con feitos que “estamos para defender os intereses dos veciños e veciñas da nosa vila. Con seriedade e con firmeza”. Así o manifesta o portavoz, Manuel Rouco, tras coñecer que o Tribunal Superior de Xustiza de Galicia (TSXG) vén de aceptar a trámite a demanda presentada polo Grupo Municipal Popular de Burela en relación á ordenanza municipal de peche de fincas aprobada hai tan só uns meses “de forma totalmente irregular” polo goberno do señor Llano e “coa connivencia do BNG ”.
O popular considera que “o tribunal máis alto de xustiza de Galicia advirte posibles indicios de vulneración dos dereitos da nosa vila”; xa que “o señor Llano e o seu goberno tramitaron a ordenanza sen facer a preceptiva consulta pública á cidadanía do noso concello, tal e como marca clarísimamente a lexislación vixente e como llo advertira en reiteradas ocasións o Grupo do PP”.
Rouco sinala “o modo de proceder totalmente trapalleiro do señor Llano”, tantas veces denunciado polos populares, demostrouse unha vez máis con este asunto. É que “o TSXG tivo que pedir ata en dúas ocasións ao goberno local que lle remitise a documentación relativa ao expediente de tramitación desta ordenanza municipal” porque “o primeiro remitido contiña numerosos erros”.
O voceiro do PP explica que “non é a primeira vez que algún organismo ten que reclamarlle documentación ao goberno do señor Llano” debido á súa falta de transparencia”. Cando o goberno local ocultou información das dependencias municipais ao Grupo Municipal Popular a Valedora do Pobo tivo que reclamarlle en varias ocasións o informe que xustificara esa ausencia de información aos concelleiros do PP como representantes dos veciños de Burela”.
Demandas dos traballadores
A demanda presentada polo Grupo Municipal Popular non é a única á que ten que facer fronte o goberno local ao longo deste mandato porque “son numerosas as presentadas polos traballadores do propio Concello en relación a posibles vulneracións dos seus dereitos laborais”.
Os populares pregúntanse unha vez máis “se realmente é este o goberno que precisa e merece unha vila coma Burela, un goberno incapaz de xestionar nada e que non para de acumular demandas xudiciais debido aos seus desmáns”. Dende o Grupo Municipal Popular lamentan que “sexan os veciños os que teñan que pagar o desgoberno de Llano”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
