Ribadeo, 17 de marzo 2022. O Grupo Municipal Popular de Ribadeo cuestiona os resultados e beneficios para Ribadeo da reunión do goberno local con SEPES en Madrid porque “tal e como recollen os medios de comunicación, a propia páxina web do SEPES continúa a establecer uns prezos abusivos e nada competitivos para o solo industrial no polígono de Ribadeo”. Desta forma, considera que “é imposible establecer un proxecto empresarial en Ribadeo”.
O voceiro, Daniel Vega, sinala que “todo o que fixo o goberno do BNG con SEPES foi sacarse unha foto cun Goberno amigo. Pero unha foto que non acredita ningunha xestión en beneficio de Ribadeo. Unha foto baleira de contido”, matiza. “As esperanzas do goberno local trala súa reunión en Madrid non eran máis que falsas promesas”.
Vega indica que “SEPES non rebaixa o prezo do solo e o goberno local do BNG tampouco realiza ningunha xestión seria. O PSOE maltrata coas súas accións a Ribadeo e o BNG xestiona fotos, pero non inversións para o noso municipio e tampouco baixa impostos”.
De feito, “as empresas instaladas no polígono industrial pagan máis impostos municipal que o ano pasado”. Así, volveu condenar a actitude do goberno do BNG porque “leva 16 anos machacando con impostos ás empresas -e, polo tanto, destruíndo empregos- e tampouco fai ningunha xestión para que os prezos do polígono industrial sexan competitivos e non abusivos”.
Xestións serias e concretas
O Grupo Municipal Popular levará este asunto a pleno e preguntaralle ao goberno local polos acordos acadados no encontro con responsables do SEPES.
Os populares esixen actuacións “serias e concretas: baixar o prezo do solo, pero tamén os impostos municipais para facer competitivo o polígono industrial. Necesitamos empresas. Así o reclamamos todos os veciños de Ribadeo porque sabemos que son necesarios postos de traballo para establecer proxectos de vida na nosa vila”.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
Foron os propios implicados quen contactaron co 112 Galicia pasada a medianoite deste domingo. O vehículo no que viaxaban saíuse da vía na LU-132, en Cabarcos, Barreiros. A posición na que quedou o coche, inclinado sobre un terraplén, complicou o acceso dos profesionais de Urxencias Sanitarias de Galicia-061, por iso, os xestores do Centro Integrado de Artención ás Emerxencias de Galicia avisaron aos Bombeiros de Barreiros. Finalmente, só tiveron que rescatar a un dos dous ocupantes, o copiloto, e, para iso, tiveron que cortar os asentos. Do mesmo xeito, o equipo médico só trasladou a unha persoa.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
