Burela, 17 de marzo de 2022. A Concellería de Turismo promocionará o Camiño do Mar nos Ceips Virxe do Carme e Vista Alegre. Ramiro Fernández Rey considera que se trata dun acicate turístico moi importante para toda A Mariña “e hai que intentar explotalo da mellor maneira posible”. Esta iniciativa foi presentada por Fernández Rey, xunto a Lucas Requejo, de Prato DO, e os directores dos centros de ensino.
O concelleiro de Turismo contou que “no Concello de Burela fixemos a presentación dunha actividade que xa tíñamos gana de facer hai tempo e que consiste en empezar a promover o Camiño do Mar. Entendemos que vai ser un acicate turístico para toda A Mariña e non queremos deixar de aproveitar esta ocasión para intentar explicarlle a toda a sociedade que é o Camiño do Mar, por onde pasa e intentar explotalo da mellor maneira posible”.
Fernández Rey explicou que “a iniciativa que vamos poñer en marcha, grazas ao Plan Único da Deputación Provincial, á que quero agradecerlle esta axuda, levarase a cabo coa colaboración dos centros educativos, neste caso os CEIP Virxe do Carme e Vista Alegre, cuxos directores participaron na xuntanza que tivemos coa organización sen ánimo de lucro que nos vai axudar a sacar o proxecto para adiante. Trátase de dar a coñecer entre os neno e as nenas, neste caso o alumnado de Primaria, o que é o Camiño do Mar. Este trazado está en cernes e esperemos que en breve se poida oficializar como un camiño recoñecido pola Xunta de Galicia pois todos os pasos indican que vai ser así. E queremos que os nosos nenos empecen a familiarizarse co Camiño do Mar, co seu trazado en Burela”.
O edil burelés sinalou que “consiste en promover o Camiño do Mar entre a nosa xente nova e ademais cunha concienciación medioambiental, que vamos aproveitar para darlle tamén para poder ver a fauna e a flora da zona e incluso a evolución de Burela. Eu penso que é unha iniciativa positiva, que vai ter moi boa acollida, de feito os directores dos colexios apuntáronse rapidamente a participar e a colaborar. É un primeiro paso para esa promoción do Camiño do Mar e esperemos poder seguir avanzando e facendo novas iniciativas que poidan axudar a ese impulso do Camiño do Mar porque eu penso que vai ser un motor económico, turístico e hostaleiro na Mariña. Estas iniciativas son positivas para Burela en particular e para toda a comarca en xeral”.
Ramiro Fernández engadiu que “tivemos a primeira toma de contacto cos directores dos centros e agora a organización sen ánimo de lucro Prato DO, que vai ser a que nos axudará nesta iniciativa, quedou en estar en contacto cos colexios para poder amoldarnos ás actividades escolares que teñen programadas os distintos centros. Falaban da última semana de abril ou a primeira de maio para intentar levar a cabo esta iniciativa, que esperemos que teña éxito e sexa recoñecida polo alumnado”.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
