Burela, 8 de abril, 2022. Os Best!NFood, antigos Best Awards, son os únicos premios de márketing alimentario que se conceden en España e son convocados anualmente polas revistas IPMARK e DARetail e por Best Awards, da man da feira Alimentaria.
O xurado dos premios da publicidade alimentaria, integrado por 30 profesionais de primeiras marcas e axencias, concedeu á campaña “Amor al Mar” o bronce na categoría Best Brand Experience pola estratexia na que PESCADA D& BURELA levou ás aulas universitarias de Madrid con mensaxes en máis de 250 lousas, creando un novo soporte para chegar a un público moi concreto: os mozos.
Un audiovisual para dixital cunha versión actualizada do mítico tema do grupo Camela, “Cuando zarpa el amor”, e unha coreografía para TikTok da man de Paula@blondiemuser completaron esta acción recoñecida polos membros do xurado.
Este premio é o recoñecemento non só a unha acción concreta levada a cabo durante o ano 2021, senón tamén á traxectoria de comunicación lanzada desde a OPP-7 Burela para potenciar a marca “MERLUZA D& BURELA” situando a súa imaxe á altura do seu posicionamento real: Burela é a primeira lonxa de España en venda de pescada do pincho.
Ademais, esta de Merluza D& Burela é a única campaña premiada vinculada ao sector pesqueiro, na que se fomentan os valores de sustentabilidade (pescada do pincho, capturada unha a unha) e, sobre todo, o “Amor ao Mar” e o “Eu Como Peixe”. Compartindo escenario coa do porto de Burela destacaban outras grandes marcas anunciantes, como Coca-Cola e Johnnie Walker (pratas) ou Baileys e Domino´s Pizza (ouros).
Para o xerente da OPP-7, Sergio López, é “unha honra gozar destes premios desde unha entidade tan pequena como nós á beira de grandes multinacionais da alimentación e empresas do nivel dos outros finalistas. Ademais, o Brand Experience representa unha experiencia moito máis completa que unha simple campaña e valórase a conexión coas nosas audiencias a través da sustentabilidade, innovación, calidade e creatividade”.
A campaña foi desenvolta pola axencia galega BAP&Conde: “Estamos moi satisfeitos, trátase, ademais, dun premio que concede o sector da alimentación, o que para nós supón un dobre recoñecemento. En publicidade sempre é un agasallo promocionar produtos como Merluza D& Burela: bos e saudables. A campaña colouse nas aulas de universidades madrileñas para arrincar experiencias e desde o punto de vista creativo deunos moitas satisfaccións”.
A campaña da Organización de Produtores Pesqueiros Porto de Burela inclúese no seu plan de produción e comercialización, realízase en colaboración con Armadores de Burela e está cofinanciada pola Xunta de Galicia e o FEMP.
Na edición de 2022, o palmarés está formado por 53 premios que foron entregados o pasado martes nunha gala no hotel Hyatt Regency Barcelona Tower, onde esta campaña de Merluza D& Burela foi recoñecida entre as mellores campañas do sector da alimentación en España.
*Ver vídeos campaña:
“MERLUZA A MERLUZA”: https://youtu.be/K-umuGkNGWg
“CUANDO ZARPA EL AMOR”: https://youtu.be/YlDu1UKiqF4
O luns 30 de marzo ás 18:00 horas darán comezo as visitas guiadas polo casco histórico de Viveiro, conducidas polo historiador Xesús Martínez e organizadas polo CCHV coa colaboración da Xunta de Cofradías da Semana Santa. Antes da primeira visita, ás 17:30 horas, realizarase unha breve presentación na Praza Maior, diante da porta do Concello. No acto participarán José Veiga, en representación da Xunta de Cofradías, Cristina Rodríguez, presidenta do CCHV, e o propio Xesús Martínez.
O alcalde, Pedro Fernández, salientou o seu impacto turístico e deportivo. A edición inclúe un atractivo especial: a Concentración da Selección Española OPEN, que adestrará en Tapia do 1 ao 6 de abril. O Goanna Pro é a segunda proba da Liga PRO, garantindo un nivel competitivo máximo. Datas: Semana Santa 2026. Lugar: Praia de Anguileiro. Destacado: Concentración da Selección Española (1–6 abril).
O delegado destacou a consolidación do evento como referente cultural na Terra Chá. O festival contará con Caamaño & Ameixeiras, Ulex e La Txama, ademais de actividades lúdicas. A cita será no campo da feira de Gontán, con entrada gratuíta.
A mostra reúne unha ampla selección de obras inspiradas na vida, a paisaxe e a identidade mariñá. O acto inaugural celebrarase o domingo 29 de marzo ás 18:00 horas e contará cunha actuación especial da chelista Amanda López López.
A Guía Repsol destaca 24 locais galegos como Soletes de primavera para gozar nesta Semana Santa. Galicia suma xa 357 establecementos recoñecidos con este distintivo, que non se renova nin se revalida, senón que se concede como categoría única. Na provincia de Lugo figuran seis Soletes: ‘Caserío Meiroi’ (Navia de Suarna), ‘Ebos’ (Vilalba), ‘Faragullas’ (Mondoñedo), ‘La Salina’ (Sarria), ‘Ramón’ (Lugo) e ‘Trespés’ (Monforte de Lemos).
A cita celebrarase en Burela entre os días 4 e 6 de setembro, e xa están confirmadas preto dunha ducia de actuacións, entre elas as de Arume, Depedro, Éxtasis, Gara Durán, Juventude o La Milagrosa. O Goberno galego vén cooperando cos organizadores do festival, “que alcanza a súa duodécima edición consolidado como un motor de dinamización económica y cultural para a localidade”, afirmou Arias.
O acto institucional, celebrado este venres, contou coa participación da directora xeral de Igualdade do Principado e coa música de Clandestías.
