A tournèe de Consellos da Xunta por diversas cidades galegas agacha unha realidade ao alcance de calquera observador imparcial: Núñez Feijóo vai demitir nuns poucos días e Rueda habería formar un novo goberno con novas persoas, porque o modelo de hiperliderado personalista de Núñez Feijóo ten de deixar paso a un Goberno máis colectivo, integrador das diversas baronías e no que Rueda vai ser primus inter pares.
Velaí que para este modelo non valla a equipa actual, senón que precise dunha remuda para escoller persoas cun perfil moito máis político.. E se Rueda cede diante de Núñez Feijóo no desexo deste de repetir Goberno éste durará pouco, porque non lle vai encaixar nin ao novo Presidente nin aos dirixentes do PPdeG que o aceptaron como novo Presidente e candidato para as eleccións nacionais galegas de 2024, precisamente condicionado á remuda cara un liderado máis compartillado e integrador das baronías..
Un novo Goberno suporá tamén un reaxuste nas relacións coa oposición, cunha líder do BNG que vai tentar maximizar os seus níveis superiores de coñecemento cidadán a respecto do futuro presidente Rueda, mentres poderá mallar no argumento da súa falla de lexitimidade de exercicio. Porque, malia a plena lexitimidade de orixe da súa futura investidura parlamentaria, vai ser elixido por uns deputados xurdidos dunhas eleccións (as nacionais galegas de xullo de 2020) que se formularon en chave de ratificación da xestión persoal dun Núñez Feijóo que agacho as siglas do PP e prometeu un compromiso con Galicia que agora rachou.
Son tempos tamén de remuda no ámbito galego dunha esquerda española que está a se queimar aceleradamente no Goberno do Estado na xestión da crise inflacionaria. E agora, por se iso non fose abondo, coa realidade da presunta espionaxe ilegal do CNI a 65 cidadáns cataláns. Na Galicia a nova dirección do PSdeG e a contorna da vicepresidenta segunda do Goberno do Estado, Yolanda Díaz, manteñen relacións fluídas. Apostarán o PSdeG e Yolanda Díaz pola integración dos seus respectivos espazos no ámbito da política autonómica?
Son tempos nos que a sociedade galega precisa dunha axenda de noso que enfronte as reformas estruturais que precisa a nosa economía. E iso habería requirir grandes doses de diálogo e de consensos. Ese diálogo e eses consensos que Núñez Feijóo sempre impediu polo seu hiperliderado e polo seu dependentismo da axenda de Madrid.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
