Viveiro, 26 de abril de 2022. O Concello de Viveiro celebra esta semana dúas novas citas do ciclo de conferencias “Maruja Mallo. Viveiro e a vangarda do século XX”.
Este xoves, 28 de abril, intervirá o pintor Antón Patiño, co relatorio “Maruja Mallo. Arte da vida”. O venres, 29 de abril participará Carmen Gaitán Salinas, científica no Instituto de Historia do CSIC, co relatorio “Explorando o cono sur: Maruja Mallo e o seu exilio transatlántico”. Ambas citas serán no Teatro Pastor Díaz de Viveiro ás 20:30, con entrada gratuíta ata completar aforo.
“Alén dos eventos desta semana, aínda resta unha conferencia o 6 de maio e o acto de peche o día 20, no que contaremos coa presenza da exvicepresidenta e exministra de Igualdade Carmen Calvo, a quen lle agradezo o seu interese”, sinala María Loureiro, alcaldesa de Viveiro.
Este evento dá continuidade ás dúas primeiras citas sobre Maruja Mallo no marco desta iniciativa, que contaron cos relatorios de José Luis Ferris e Carlos Nuevo Cal, así como co documental de Antón Reixa sobre esta artista.
Antón Patiño, quen estará en Viveiro este xoves, é pintor con exposicións en distintas cidades de todo o mundo así como autor de varios libros de aforismos, ensaios e poesías. Na súa obra inclúense textos sobre diferentes autores e artistas.
Alén da súa actividade como docente e investigadora, Carmen Gaitán é editora da revista Enclaves, ademais de autora de artigos, organizadora e congresos así como doutros eventos internacionais de carácter científico. Gaitán, quen ofrecerá a conferencia deste venres, é autora do libro: “Las artistas del exilio republicano español. El refugio latinoamericano”.
“Dende o Concello de Viveiro celebramos a boa acollida desta iniciativa na vila, unha proposta moi enriquecedora que nos permite achegarnos a Maruja Mallo como muller e sobre todo como artista. Esperamos que a cidadanía continúe comprometida nestas citas”, sinala a concelleira de Cultura, Lara Fernández Fernández-Noriega.
O venres 6 de maio, ás 20:30, o ciclo contará coa intervención da historiadora da arte do Museo Reina Sofía, Patricia Molins, baixo o título “Maruja Mallo, a invención inconográfica e a arte popular”.
A última conferencia que pechará o ciclo “Maruja Mallo. Viveiro e a vangarda do século XX”, será o próximo 20 de maio de 2022 e contará coa presenza da exvicepresidenta primeira do Goberno e exministra de Igualdade, Carmen Calvo.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
