Santiago de Compostela, 7 abril 2022. O BNG acadou o acordo unánime do Parlamento galego para que a Xunta demande da Dirección Xeral da Mariña Mercante a elaboración dunha mensaxe (alerta rápida) para ser radiada de forma continua como “aviso a navegantes”, no que se lembre o preceptivo cumprimento do Regulamento de Comunicacións Marítimas de 2006 para a activación e emisión das alertas de socorro en chamada selectiva dixital, en función da zona marítima na que faenen ou naveguen os distintos buques.
De igual xeito, a iniciativa do Bloque impulsa a posta en marcha por parte do Goberno galego dunha campaña de concienciación dirixida aos patróns e mariñeiros sobre os perigos da navegación e a súa prevención.
Para a portavoz nacionalista de Pesca, Rosana Pérez, logo do terrible e tráxico afundimento do Vila de Pitanxo cómpre que as Administracións competentes incidan no cumprimento rigoroso da lexislación marítima, tendo en conta, por exemplo, as recomendacións que habitualmente fai a Comisión Permanente de Accidentes e Incidentes Marítimos (CIAIM), que non só van dirixidas aos mandos dos buques, senón tamén ás propias Administracións.
Así pois, Pérez considerou preciso que a Mariña Mercante faga “todo o fincapé e poña todo o acento necesarios para tratar de evitar cantos máis sinistros mellor” e exemplificou no labor desenvolvido nesta liña pola Dirección Xeral de Tráfico que, cada certo tempo, recordan a condutores e condutoras continuamente as normas que hai que cumprir a través das súas distintas campañas preventivas.
Seguindo o paralelismo, avogou por que as distintas Administracións tomen en consideración o informe de 2015 da CIAMI na que recomendaba a responsables de formación marítima, particularmente aos que ensinan o sistema mundial de socorro, aos armadores e operadores de toda clase de embarcacións, aos responsables de organizacións empresariais, gremiais e sindicais dos ámbitos marítimos e ás autoridades competentes que velan pola seguridade marítima a que resalten as repetidas e funestas consecuencias de incumprir o establecido no sistema mundial de socorro marítimo; que insistan, conciencien e sensibilicen aos profesionais do mar sobre a importancia de coñecer o sistema mundial de socorro en profundidade e aplicalo e que denuncien e sancionen as infraccións que se deriven de posibles incumprimentos deste sistema.
Neste sentido, concluíu recordando que é a Mariña Mercante a que debe velar polo correcto cumprimento da normativa vixente e, neste sentido, sinalou especificamente ao propio regulamento polo que se regulan as comunicacións marítimas a bordo dos buques civís españois onde, mediante decreto de 2006, se establece a alerta de socorro como unha chamada selectiva dixital, con formato de chamada de socorro, nas bandas empregadas para as comunicacións terrenais ou con formato de mensaxe de socorro, en cuxo caso transmítese por medio de estacións espaciais.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
