Este primeiro encontro trazou as liñas de traballo para a divulgación do produto e a creación dunha nova ruta gastro experencial entre as dúas localidades
Burela, 27 de maio de 2022. O alcalde de Burela, Alfredo Llano, participou esta mañá na Xornada Divulgativa do Bonito celebrada en Tarifa xunto co seu homólogo no lugar, Francisco Ruiz, o Secretario Xeral da OPP de Burela, Sergio López, e representantes da Cofradía de Pescadores e da Asociación Gastronómica de Tarifa.
A intervención telemática de Alfredo Llano xirou entorno a tres aspectos fundamentais: a divulgación das cualidades do Bonito de Burela, a defensa dunha pesca sostible e a repercusión gastronómica, cultural e turística do produto.
“Para Burela o bonito foi un factor clave de desenvolvemento a nivel socioeconómico, cun porto pesqueiro dos máis importantes do Cantábrico, unha Feira do Bonito recoñecida de interés turístico nacional, e un barco museo sobre o mar que recolle toda a historia mariñeira dos boniteiros na comarca”, salientou Llano.
“Compartimos con Tarifa a defensa do noso produto, que divulgaremos en conxunto co Atún Rojo, promovendo unha ruta gastronómica que de seguro terá aínda máis repercusión no plano cultural e turístico”, explicou o rexedor en alusión á iniciativa da ruta que se establecerá entre Burela e Tarifa para divulgar as cualidades do bonito.
Ademais, o alcalde de Burela puxo en valor “os métodos de pesca sostible empregados nas nosas costas, unhas prácticas respectuosas co medio que supoñen un distintivo irrenunciable e co que institucións e sector pesqueiro estamos fondamente comprometidos”.
Nesta xornada tamén se fixo unha análise da situación actual do sector, con representación de organismos públicos e privados, que abordaron a arte da pesca e o seu entorno como fonte de produtos turísticos, finalizando con showcooking e unha degustación.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
