Os populares tamén piden crear unha comisión de estudo do PXOM para realizar necesarias modificacións puntuais ante “os problemas de ordenación que supón na actualidade para os veciños”
A Fonsagrada, 26 de maio de 2022. O Grupo Municipal Popular da Fonsagrada proporá no vindeiro pleno que o Concello modifique a ordenanza reguladora do imposto sobre bens inmobles (IBI) de forma que recolla “a máxima bonificación posible -un 95%- en beneficio do sector agrícola, gandeiro e forestal do municipio”. E, para iso, “será necesario declarar ao sector agrícola, gandeiro e forestal de especial interese para o Concello da Fonsagrada”, explica o voceiro popular, José Regueiro.
O artigo 74 da Lei Reguladora de Facendas Locais, recolle a posibilidade de que os Concellos regularicen as bonificacións potestativas -ou voluntarias- tendo en conta certos criterios. Así, permite que os Concellos aproben unha bonificación do 95% da cota íntegra do imposto no caso dos inmobles nos que se desenvolvan actividades económicas declaradas de especial interese ou utilidade municipal por concorrer circunstancias sociais, culturais, histórico artísticas ou de fomento de emprego que xustifiquen tal declaración, que lle corresponderá ao Pleno acordala previa solicitude do propio Concello.
Os populares son conscientes da “importancia deste sector para o noso municipio -que conta cunha gran cantidade de produtores de Ternera Gallega Suprema-, un sector que están a vivir unha situación insostible debido á suba dos prezos das materias primas coma os pensos e dos custes de produción en xeral que inclúen o gasóleo, por exemplo”. Polo tanto, propoñen esta medida que pode adoptar o Concello en beneficio dos gandeiros e gandeiras de forma que “paguen menos polas súas naves e galpóns” empregados para a actividade agrogandeira.
Regueiro agarda que “o goberno local apoie esta iniciativa para adoptar unha medida que é posible”. De feito, “son moitos os concellos da provincia con importante actividade gandeira que teñen aprobado bonificacións deste tipo en beneficio dos seus veciños. É o caso do Corgo, Friol ou Palas de Rei”.
Comisión de estudo do PXOM
O Grupo Municipal Popular tamén esixirá na vindeira sesión plenaria a constitución dunha comisión de estudo do Plan Xeral de Ordenación Municipal (PXOM) para realizar necesarias modificacións puntuais ante “os problemas de ordenación que supón na actualidade para os veciños” ao ser aprobado sen contestar ou subsanar moitas das reclamacións realizadas durante o período de exposición pública”.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
