Viveiro, 11 de maio de 2022. O Concello de Viveiro presenta o seu programa para conmemorar o Día das Letras Galegas 2022, que este ano se dedica a Florencio Delgado Gurriarán. O goberno local organiza unha extensa programación que se estenderá dende o 13 ao 22 de maio.
“En Viveiro celebraremos as Letras Galegas durante máis dunha semana, cun programa que involucra a todas as idades e na que involucramos aos centros educativos, ás asociacións culturais, ao conservatorio e outras entidades que traballan en prol da nosa lingua e cultura”, sinala María Loureiro, alcaldesa de Viveiro.
Este venres, 13 de maio comezarán os actos co Concerto de Clarinetes e Frautas co Conservatorio de Música de Viveiro ás 19:00. A continuación, ás 20:30, o Teatro Pastor Díaz acolle a representación teatral “Karelu” de “Os náufragos teatro” con entrada de balde.
O martes 17 de maio, día das Letras Galegas, terá unha ampla axenda de eventos. Ás 12:30, David Bellas, artista e profesor do conservatorio, interpretará o himno de Galicia dende o balcón da Biblioteca Municipal. Ás 13:00 haberá pasarrúas infantil e xuvenil de gaitas de “Bágoas da Terra”, mentres que ás 14:00 será o pasarrúas de “Amigos do folk”.
Ademais, o Concello de Viveiro retoma este ano a iniciativa “Orgullo de ser”, coa que invitan á cidadanía a incorporar pezas do traxe tradicional galego á súa vestimenta ou a vestirse completamente co traxe. Os escaparates dalgúns locais do Centro Comercial Casco Histórico de Viveiro tamén exhibirán traxes tradicionais galegos, grazas á colaboración de “Bágoas da Terra”.
“Agardamos que a veciñanza se sume a esta iniciativa, sentíndose orgullosa das nosas tradicións. Unha proposta que, xunto ao resto do programa, busca dar visibilidade á lingua galega e a toda a nosa cultura ”, sinala a concelleira de Cultura, Lara Fernández Fernández-Noriega.
O Día das Letras Galegas pecharase ás 20:30, na Sala do Conservatorio, co “Recital música e letras”, a cargo de Rosa Lage, Víctor Rolle a Lara Fernández. Esta cita contará coa participación dos usuarios de ASPANANE de Viveiro, polo que será un evento que inclúa a persoas con diversidade funcional.
A xornada do 18 de maio traerá obradoiros de improvisación, baixo o título “Regueifa”, para o alumnado do IES Vilar Ponte e do Ies María Sarmiento. O venres 20 de maio, organízase un concerto de gaitas a cargo do Conservatorio de Música.
Na fin de semana, o sábado 21 acollerá un obradoiro de iniciación á pandeireta e baile tradicional, gratuíto e dirixido a nenos/as a partir de 5 anos. Ás 13:30, a Praza Maior recibe a actuación do grupo “Os do 21” do Vicedo.
O domingo 22 de maio a Biblioteca Municipal de Viveiro acolle un obradoiro de debuxar e ler textos de Florencio Delgado Gurriarán. Ese mesmo día, ás 13:00, será o concerto especial “Letras Galegas” da Coral Polifónica Alborada de Viveiro, na praza da Fontenova. A programación péchana os cantos da taberna a cargo de “Espera que vou mexar” ás 14:00.
Dende o Concello de Viveiro agradécese a implicación de todas as entidades que participan neste programa.
O lume iniciouse ás 14.51 horas do luns e para a súa extinción mobilizáronse, polo de agora, 2 técnicos, 10 axentes, 15 brigadas, 16 motobombas, 1 pa, 5 helicópteros e 7 avións. 
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
