O persoal inicia este xoves un calendario de folgas e mobilizacións en defensa dos empregos
Viveiro, 22 de xuño de 2022. Na primeira reunión da comisión de negociación do expediente de mobilidade xeográfica formulado por Albo, a CIG volveu reclamar a continuidade da actividade na fábrica de Celeiro e o mantemento de todos os postos de traballo. Ademais, a CIG demanda unha intervención decidida da Xunta de Galiza para evitar este novo golpe ao emprego e á industria na comarca da Mariña.
Permitir que o grupo empresarial Shanghai Keichuang consume o seu plan de peche suporía rematar coa historia dunha factoría que leva funcionando dende 1924, deixar na rúa a 42 persoas, a maioría traballadoras nunha idade de difícil reinserción no mercado laboral, e afondar no proceso de desmantelamento industrial que vive a comarca.
“A mobilidade xeográfica que formula Albo non constitúe ningún tipo de alternativa para o 90% das traballadoras, para elas a decisión empresarial vai ser traumática e non poden asumir este cambio a máis de 270km dos seus fogares polo custe económico que lles carrexa, polos baixos salarios que se cobran e polas propias situacións familiares e persoais de cada unha”, apunta Susana Riveira, da CIG da Mariña.
Pola contra, Riveira insiste na viabilidade da factoría de Celeiro, que ten carga de traballo abondo para soster os niveis de empregos actuais e unha situación xeográfica privilexiada, ao lado de dous importantes portos pesqueiros. A este respecto, engade que os preto de cen anos de historia da planta poden supor incluso un plus de imaxe para a empresa pola confianza que xera nos mercados e nas persoas consumidoras.
“A empresa ten unha responsabilidade social co seu persoal e con esta comarca, apelamos aos bos resultados e reclamamos á dirección que desista do seu plan de peche”, subliña.
A Xunta ten que actuar
Nesta liña, a representante da CIG tamén insta a Xunta de Galiza, nomeadamente as consellarías de Economía e de Emprego, a que tome parte neste conflito e traballe activamente para garantir a continuidade da actividade produtiva e dos postos de traballo. “A Xunta ten que ter interese en que non que non se perdan estes 42 postos, maioritariamente femininos, nunha comarca e un concello tan castigados nos últimos anos”, valora Riveira.
Abundando neste punto, a CIG da Mariña aféalle ao Goberno galego que non teña tomado contacto aínda coa representación do persoal e de igual xeito lamenta que a alcaldesa do Concello de Viveiro tampouco teña contactado até agora coa representación das traballadoras no obxectivo de facer unha fronte común na defensa dos postos de traballo.
Calendario de folgas e mobilizacións
Así as cousas, as traballadoras e traballadores non se resignan e veñen de acordar un calendario de mobilizacións coincidindo co período de negociación do expediente de mobilidade. A primeira protesta terá lugar mañá, xoves 23 de xuño, cunha concentración diante da fábrica de 15h a 15:30h.
Para os días 27 e 29 de xuño e 4 e 6 de xullo están convocados paros parciais de dúas horas que se desenvolverán das 10h ás 12h. Ademais durante as horas de folga faranse as seguintes mobilizacións:
Luns 27 de xuño, manifestación dende a conserveira de Albo até a estatua de homenaxe á Xente do Mar.
Mércores 29 de xuño, concentración diante da fábrica.
Luns 4 de xullo, concentración diante da fábrica. Ás 20h, concentración no Concello de Viveiro.
Mércores 6 de xullo, concentración diante da fábrica.
Estiveron acompañados polas técnicas de xuventude Mónica López Sanjurjo e Silvia Rodríguez Barreiro, para gozar das diferentes piscinas e tobogáns deste parque acuático. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa Verán a Tope en Xove 2026.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
O evento, organizado pola Asociación Cultural Xuvenil O Castelo reuniu a numerosos veciños e visitantes e celebrouse durante catro días. A programación incluíu actuacións musicais, actos relixiosos, xogos tradicionais e unha comitiva da camións, coches e motocicletas que percorreron todas as parroquias deste concello mariñán.
Villares destacou que a Administración autonómica reafirma o seu compromiso con esta cita, adicada a enxalzar a calidade deste produto do mar e a poñer en valor o esforzo dos profesionais do sector. Así mesmo, subliñou a importancia das festas gastronómicas na promoción turística e na dinamización económica da zona.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
