A USC celebrará o Curso de Verán «II Encontro Álvaro Cunqueiro. Cunqueiro e familia» en Mondoñedo os vindeiros 1 e 2 de xullo. A actividade, que conta tamén co apoio do Concello de Mondoñedo e da Casa Museo Álvaro Cunqueiro, reunirá a importan- tes estudosos e escritores arredor da figura do mindoniense
Mondoñedo, 4 de xuño, 2022. Dentro da programación de Cursos de Verán da Universidade de Santiago desenvolverase o «II Encontro Álvaro Cunqueiro. Cunqueiro e familia», un evento no que se darán cita en Mondoñedo os vindei- ros 1 e 2 de xullo algúns dos maiores especialistas na obra do escritor mindoniense.
O curso, no que tamén participan como entidades colaboradoras tanto o Concello de Mondoñedo como a Casa Museo Álvaro Cunqueiro, terá como sede o Auditorio Pascual Veiga da cidade e para asistir ao mesmo cómpre matricularse previamente na web oficial da USC (https://www.usc.gal/gl/servizos/cultura/ veran#MONDO%C3%91EDO) antes do 17 deste mes de xuño. A todas as persoas matriculadas que asis- tan ao curso a USC concederalles un certificado validable por horas de formación e un crédito universitario.
Entre os conferenciantes e relatores atópanse Carmen Blanco, Manuel Lourenzo, Isabel Morán, Patri- cia Arias Chachero, Miguel Anxo Seixas Seoane, Francisco López Barxas, Xe Freyre, Concepción Sanfiz Fernández, Miguel González Somovilla, Antonio Gamoneda, María López Sández, Saturnino Valladares e Víctor F. Freixanes, que se ocuparán das conexións literarias entre Cunqueiro e outros grandes da escrita como Shakespeare, Rosalía, Dante, Pessoa ou Castelao, entre outros.
Está previsto tamén un recital poético-musical no que participarán poetas de tanto relevo como Anto- nio Gamoneda, Claudio Rodríguez Fer, Olga Novo, Luís Valle ou o fillo do autor, o tamén escritor César Cunqueiro, o recitado dos cales amenizará musicalmente o dúo formado por Rebeca Maseda e Iván Siso.
No marco do curso presentarase un novo libro de Cunqueiro: O mundo e outras vésperas. Colabora- cións en El Pueblo Gallego (1932-1936), do que se responsabilizou Armando Requeixo, quen estará acom- pañado por Xina Vega e Francisco Castro, director da Editorial Galaxia, que publica a obra.
Fóra de programa haberá unha actuación do contacontos Cándido Pazó ás 22:30h da noite do venres 1 na Praza da Catedral, á que poderá asistir todo o público que o desexe, pois a entrada é libre e gratuíta.
Este II Encontro Álvaro Cunqueiro está dirixido por Armando Requeixo e secretariado por Laura Caa- maño e Abel Vigo.
Neste espazo radiofónico Félix Jorquera falou coa alcaldesa de Lourenzá, Rocío López; co concelleiro de Cultura, Manuel Arango; con José Cuadrado, presidente da Indicación Xeográfica Protexida Faba de Lourenzá e pregoeiro desta edición da festa; co chef Pedro Barreira; e con Antonio Irimia, presidente do club VespaFaba & Clásicos, de Lourenzá. Por diante queda toda unha fin de semana chea de actividades arredor da faba de Lourenzá. Os organizadores animan a acudir a esta cita.
Os asistentes puideron coñecer de preto unha particular viaxe que parte de Ribadeo e percorre Galicia en 37 etapas bordeándoa e combinando ciclismo, patrimonio, cultura e paisaxe. Jorge Justo estivo acompañado polo alcalde de Ribadeo, Dani Vega, e por Pablo Mosquera, ex director do Hospital da Costa (agora Hospital Público da Mariña).
Unha peza de teatro físico e manipulación de obxectos para público infantil e familiar que aborda a meta máis soñada polo ser humano: voar sen ás. Venda de entradas: no teléfono 982560162, en horario, de 9 a 14,00 horas, ou no correo electrónico cultura@viveiro.gal ou na taquilla unha hora antes da función. A cita será ás 18h.
O evento ofrecerá mel, produtos de tempada, artesanía, gastronomía e outras propostas locais. O Concello do Valadouro mantén aberto o prazo de inscrición para persoas e empresas expositoras, que poden presentar a súa solicitude na sede electrónica ou nas oficinas do Centro Socio-cultural, Xuvenil e da Terceira Idade “Manuel Lourenzo” ata o martes 6 de outubro, ou ata completar os postos dispoñibles.
Neste curso a actividade estará dispoñible para as nosas pequenas Xoias e para alumnado externo, cunha sesión semanal, a cargo de Yasmin Toledo e Patrícia Sousa, do equipo de Segunda División. O alumnado poderá escoller o seu horario de adestramento entre os luns (16:00 h.-17:00 h., Vista Alegre) e os venres (19:30 h.-20:30 h., Monte Castelo). A actividade terá un custo de 6€/mes para o alumnado da escola laranxa e 24€/mes para o alumnado externo.
Un particular informou minutos despois das 11 horas deste xoves dun camión que transportaba formigón envorcado no quilómetro 68 da N-640, á altura da parroquia de Ramil (Castro de Rei). Segundo explicou o mesmo alertador, o condutor permanecía no interior da cabina e outros dous turismos estaban implicados no accidente. De inmediato, desde o Centro Integrado de Atención ás Emerxencias solicitouse a acción de Urxencias Sanitarias de Galicia-061, da Garda Civil de Tráfico, dos Bombeiros de Vilalba e dos servizos de mantemento da estrada. Os bombeiros confirmaron que non tiveron que excarcerar, pois a persoa estaba xa fóra do vehículo cando chegaron ao punto. Así, colaboraron na limpeza da vía cos servizos de mantemento da estrada.
Ademais da intervención arqueolóxica de 2026, o Concello achega 7.500 euros para restaurar a cabaña C-2, lembrando que “Seguimos apostando por el patrimonio arqueológico y el desarrollo arqueológico del concejo”. Tamén se mellorou o acceso ao xacemento, e o castro consolídase como un recurso turístico en crecemento, clave para avanzar na desestacionalización.
