O deputado popular formulou onte unha pregunta parlamentaria ao novo director xeral de Planificación Enerxética e Recursos Naturais, Pablo Fernández Vila, interesándose polos compromisos do Goberno galego coa factoría de aluminio de San Cibrao
Cervo, 22 de xuño de 2022. O deputado do Grupo Popular, José Manuel Balseiro, asegurou en relación coas iniciativas dirixidas á reactivación da produción de aluminio na fábrica de San Ciprián que “de nada vale que a Xunta cumpra, se o Goberno de Pedro Sánchez non o fai” Segundo o parlamentario mariñán “a volta á normalidade pasa porque cada administración, e tamén a empresa, cumpran cos seus compromisos” e, nese sendo, instou a cada parte a esforzarse por facer realidade as iniciativas de apoio que se comprometeron a impulsar.
“Hoxe podo dicir con satisfacción que, a Xunta está a facer os seus deberes, no ámbito das súas competencias. O compromiso do Goberno galego para colaborar na solución é firme e absoluto. Agora temos que ser tamén esixentes co Goberno central. Non hai un minuto que perder. E son moitos os cidadáns que están agardando avances. A fábrica de aluminio de San Ciprián é o principal motor económico e de emprego da Mariña e da provincia de Lugo. E as decisións dirixidas á reactivar a produción de aluminio deben ser unha prioridade”-explicou
Compromisos da Xunta
Balseiro fixo estas declaracións onte no transcurso dunha pregunta formulada na Comisión de Industria do Parlamento de Galicia. O deputado popular quixo, a través desta iniciativa de control á acción do Goberno galego, facer un seguimento e avaliar o cumprimento dos compromisos adquiridos polo Goberno galego para apoiar a viabilidade da factoría de aluminio de San Cibrao.
O encargado de dar resposta á iniciativa de Balseiro foi o novo director xeral de Planificación Enerxética e Recursos Naturais, Pablo Fernández Vila, quen ratificou que a Xunta vén de conceder unha axuda de preto dun millón de euros para a mellora da eficiencia enerxética e ampliación da rede de subministración de gas natural na factoría cervense e tamén que dará prioridade -grazas á nova lei de áreas empresarias, que se atopa en plena tramitación parlamentaria- á autorización dos parques eólicos que sexan capaces de ofrecer á empresa un prezo eléctrico estable no tempo e competitivo.
O Goberno de España con deberes pendentes
Pola súa banda Balseiro coincidiu co responsable da administración galega na importancia de que o Goberno de España faga o propio en tres ámbitos da súa estrita competencia: a aprobación dun marco enerxético estable (a través dun novo estatuto para as empresas electrointensivas, que sexa de verdade eficaz ou, incluso a través da aprobación dun PERTE, que permitiría a este tipo de empresas altamente dependentes da enerxía poidan beneficiarse de fondos europeos para adaptar o seu proceso produtivo a métodos máis eficientes desde o punto de vista das necesidades enerxéticas). Deputado popular e Xunta coinciden tamén en que o Goberno central debe copiar a acción da Xunta e tramitar con preferencia aqueles parques eólicos que son de competencia estatal.
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
A cita previa pode solicitarse a través do teléfono 981.928.080 ou da web 
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
Contou con arredor de 90 expositores provintes de todos os puntos tanto de Galicia coma do resto de España e de varias partes do mundo, que exhibiron as súas pezas de tornería en madeira. Tamén acolleu a XVIII edición da Exposición CONtornos. Entre os participantes, destacou a presencia dun expositor provinte da cidade arxentina de Córdoba, así coma outros de Reino Unido, Francia e Portugal. Ata o domingo achegaronse a esta mostra internacional uns 5.000 visitantes, principalmente provintes de toda Galicia e tamén de Portugal.
